![]() ![]() |
|
![]() |
![]() ![]() ![]() ![]() ![]() ![]() ![]() ![]() ![]() ![]() |
![]() ![]() ![]() ![]() |
ᐊᐛᐎᑕᑭᓄᒡ ᒪᓯᓇᑕᒡ ᐅᑕ ᑲᒥᓯᓇᐃᒐᐱᐃᒡ
Naskapi Lexicon ᓇᔅᑲᐱ ᐃᔪ ᐃᒧᐅᓐ ᒥᓯᓇᐃᑭᓐ ᑲᐱᑕᐱᑕᑭᓄᒡ ᐊᓐᑕ ᑲᒥᓯᓇᐃᒐᐱᐃᒡ ᐛᒋᐃᑯᒡ ᐊᐛᓐᒋ ᐃᔭᐱᒋᑕᒡ ᓂᔅᑐᐃᒡ ᐃᔨᒧᓇ ᑎᑯᓇ, ᐊᐃᔪᔅᑕᒡ, ᐊᑲᑭᔭᓴᐅᔅᑕᒡ ᑭᔭ ᐊᐛᒥᔅᑎᑯᓯᐅᔅᑕᒡ᙮ ᐊᒥᔪᓇᒂᒡ ᐅ ᐊᑐᔅᒐᐅᓐ, ᓇᔅᑲᐱ ᑲᒪᐅᑕᐱᔨᒡ ᓱᓇᔭᐤ ᑲᐅᓯᑕᒡ, ᑕᓐ ᑲᐃᔅ ᐱᑕᐱᑕᑭᓄᒡ ᓇᔅᑲᐱ ᐊᐃᔪᔅᑕᒡ ᐊᓐᑕ ᑲᒥᓯᓇᐃᒐᐱᐃᒡ ᒐᒋ ᓄᑯᑕᑭᓄᒡ ᑭᔭ ᐊᔅᐱᔅ ᐎᔪᐎᐱᑕᑭᓄᒡ ᐊᐃᔪᔅᑕᒡ ᐃᔪ ᐃᒧᐅᓐ᙮ (UNICODE.) ᓇᓇᔅᑯᒧᐅᓐᑲᓇᑕ ᒥᔅᑎ ᒥᓯᓇᐃᑭᓂᒋᐛᑉ ᐊᓐᑕ ᐊᑎᒂᒋ ᒥᓯᓇᐃᑭᓇ ᐊᒋᑕᐸᑕᑭᓄᒋ ᓂᔅᑭᒧᒡ ᐊᔅᐱᑕᔨᑕᑯᓂᔨᒡ ᒪᒧ ᒐᒋ ᐎᒋᑐᔅᒐᒪᒡ ᐊᓂᔭ ᓇᔅᑲᐱ ᑲᒪᐅᑕᐱᒡ ᓱᓇᔭᔪᐤ, ᓇᔅᑲᐱ ᐃᔪᒋᒪᑲᓐᒡ ᐅᑕ ᑲᐛᐛᒋᑭᒪᓯᒡ ᐅᒡ᙮ ᓇᔅᑲᐱ ᑲᒪᐅᑕᐱᒡ ᓱᓇᔭᐤ, ᒍᓐ ᐱᓯᒺ 1979 ᐱᐳᓐ ᑲᒋᒥᑕᑭᓄᒡ, ᐅᔅᑯᐎᔅᑎᒧᒡ ᐛᓇᑭᑐᐛᐃᑕᑭᓄᐎᒡ ᓇᔅᑲᐱ ᐃᔪ ᐃᒧᓂᔪᐤ᙮ 1979 ᑲᐅᒋᒋᐱᔨᒡ, ᑲᒪᐅᑕᐱᒡ ᒋᑐᔅᑲᔅᑎᒧᒡ ᒐᐃᓯᐱᒧᑕᓄᐃᒡ ᓇᔅᑲᐱ ᐃᔪ ᐃᒧᐅᓂᔪᐤ ᐊᐃᓯ ᐃᔪᔅᑕᑭᓄᐃᒡ᙮ 1994 ᐱᐳᓂᔪᐤ, ᓇᔅᑲᐱ ᑲᒪᐅᑕᐱᔨᒡ ᒋᐅᓯᑕᐅᒡ ᓇᔅᑲᐱ ᐃᔪ ᐃᒧᐅᓐ ᒥᓯᓇᐃᑭᓂᔪᐤ, ᐅᐊᒄ ᓂᔅᑎᒻ ᒥᓯᓇᐃᑭᓐ ᓂᔅᑐᐃᒡ ᐃᒧᓂᒡ ᐊᑎᔅᑕᒡ ᓇᔅᑲᐱ ᐃᔪ ᐃᒧᐅᓐ᙮ ᐊᑎᑐ ᐎᓂᑐᔅᒐᔨᑎᒪᒂ ᐃᒧᐅᓐ ᐅ ᒥᓯᓇᐃᑭᓐ ᑲᐅᓯᑕᑭᓄᒡ, ᒪᐅᑕ ᒐᐃᑐᑕᔭᒄ᙮ ᐅᑕᒡ ᑲᐃᓯ ᐸᒋ ᑐᔅᑲᔅᑕᑭᓄᒡ ᐊᑐᔅᒐᐅᓐ᙮ ᒋᒋᐛ ᓂᓂᔅᑯᒪᓇᓐ ᐸᐤ ᔭᓐᓴᐱᒡ, ᑲᐛᐛᒋᑭᒪᔅᒡ ᓇᔅᑲᐱ ᐃᔪ ᐃᒧᓂᔪᐤ ᑲᑐᔅᑲᔅᑕᒃ, ᑲᒥᔅᑎ ᐛᐎᒋᔨᐛᑦ ᑲᐅᓯᑕᑭᓄᐃᒡ ᐅᑕ ᒪᓯᓇᑕᔨᒡ ᑲᒥᓯᓇᐃᒐᐱᐃᒡ᙮ ᒪᐎᔭ ᐸᐤ ᑲᐅᒡ ᐛᐎᒋᔨᑯᑦ ᒍᓯᑉ ᒂᓂᔅ, ᓴᓂᔅ ᓇᐱᓂᑲᐳᐤ, ᐱᓂᑉ ᐃᓂᔅ, ᑭᔭ ᐊᒪ ᓯᒪᑭᓂᔅ᙮ ᒪᕐᑯᐎᑦ ᒪᑭᓐᓯᔾ ᑭᔭ Jill Perry ᑭᔭ Doug Vincent ᔭᐱᒡ ᒋᐛᐎᒋᐃᐛᐅᒡ ᓇᔅᑲᐱ ᐃᔪ ᐃᒧᓂᔪᐤ ᐊᔭᔅᑯᔅᑕᑭᓄᐃᒡ ᑭᔭ ᑲᐱᑕᐱᑕᑭᓄᐃᒡ ᐊᓐᑕ ᑲᒥᓯᓇᐃᒐᐱᐃᒡ᙮ ᔭᐱᒡ ᒋᒋᐛ ᓂᓂᔅᑯᒪᓇᓐᒡ Department of Canadian Heritage, ᓱᓇᔭᒡ ᑲᐅᒡ ᐛᐎᒋᔨᐛᒡ, ᐊᓐᑕ ᐛᒋ ᐱᒻᐱᑕᑭᓄᒡ ᐃᔪ ᐃᑐᐅᓐ ᐊᓐᑕ ᐊᑎᒂᒡ ᑲᒥᓯᓇᔨᒐᐱᐃᒡ ᑲᐃᓯᓂᐧᑲᑕᒡ Canadian Cultural Online Program (CCOP), ᑲᒋ ᑐᑕᒡ ᒐᒋ ᓄᑭᓂᔨᒡ ᐎᔭ ᐊᑐᔅᒐᐅᓂᔪᐤ ᐊᓐᑕ ᑲᒥᓯᓇᔨᒐᐱᐃᒡ᙮ |