ᐱᓕᕆᐊᖃᕐᓂᕐᒧᑦ ᐊᑎᖅᓯᐅᕐᓂᕐᒥᒃ ᑐᕌᒐᖃᖅᐳᖅ ᐃᓄᐃᑦ ᐊᔾᔨᓕᐅᖅᑕᐅᓯᒪᔪᑦ ᓄᐊᑕᐅᓯᒪᔪᓪᓗ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖕᒥᓗ ᓇᓗᓇᐃᔭᖅᑕᐅᖁᓪᓗᒋᑦ. ᑲᔪᓯᓂᖃᕆᐊᖃᖅᑐᖅ ᑕᒪᓐᓇ ᐱᓕᕆᐊᖑᔪᖅ, ᓄᓇᕗᒻᒥᐅᑦ ᒪᒃᑯᒃᑐᖏᓐᓂᒃ ᐱᓕᕆᖃᑎᖃᓕᖅᑎᑦᑎᓪᓗᓂ ᐃᓐᓇᕐᓂᒃ, ᓯᕗᓕᕆᓚᐅᖅᑕᒥᖕᓂᒡᓗ ᑐᑭᓯᕚᓪᓕᕈᑕᐅᔪᓐᓇᖅᖢᓂ. ᐊᒻᒪᓗᑦᑕᐅᖅ ᑕᒪᓐᓇ ᖃᒡᓕᕚᓪᓕᕈᑕᐅᔪᓐᓇᖅᖢᓂ ᐅᑭᐅᖅᑕᖅᑐᒥᐅᓂᑦ ᖃᓪᓗᓈᒥᐅᓄᑦ.

ᑖᒃᑯᐊ ᑲᓇᑕᐅᑉ ᐅᑭᐅᖅᑕᖅᑐᖓᓐᓂᕐᒥᐅᑕᐃᑦ ᐊᔾᔨᓐᖑᐊᓃᑦᑐᑦ ᑕᐅᓴᖏᓐᓂ ᐅᓄᖅᑎᒋᕗᑦ ᐊᒻᒪᓗ 1800ᖏᓐᓂᑦ 1900 ᕿᑎᖅᐸᓯᖓᓐᓄᑦ ᐊᔾᔨᓕᐅᖅᑕᐅᕙᓚᐅᖅᑐᕕᓃᑦ. ᑭᓯᐊᓂ, ᖃᔅᓰᓐᓇᒻᒪᕆᑯᓗᐃᑦ ᑖᒃᑯᐊ ᐊᔾᔨᓕᐅᖅᑕᐅᑎᓪᓗᒋᑦ ᐊᑎᖏᑦ ᓇᓗᓇᐃᖅᑕᐅᓚᐅᖅᓯᒪᖕᒪᑕ. ᓄᓇᕗᒻᒥᐅᑦ ᐃᑲᔪᕈᓐᓇᕐᓂᖃᓚᐅᖅᓯᒪᓐᖏᑦᑐᑦ ᐊᔾᔨᓐᖑᐊᑦ ᐊᑎᖅᓯᐅᖅᑕᐅᓗᑎᒃ ᓲᖃᐃᒻᒪ ᑖᒃᑯᐊ ᐊᔾᔨᓐᖑᐊᑦ ᓄᓇᓕᖕᒥᓂ ᐅᖓᓯᒃᑐᒻᒪᕆᐅᓚᐅᕐᒪᑕ, ᐊᒻᒪᓗ ᐊᔾᔨᓐᖑᐊᑦ ᖃᕋᓴᐅᔭᓄᐊᖅᑲᖅᑕᐅᓚᐅᖅᑎᓐᓇᒋᑦ, ᐊᔾᔨᓐᖑᐊᑦ ᓄᒃᑕᖅᑕᐅᔪᓐᓇᓚᐅᖅᓯᒪᓐᖏᒻᒪᑕ. ᑖᒃᑯᐊ ᐊᔾᔨᓐᖑᐊᑦ ᐊᑎᖅᓯᐅᖅᑕᐅᔭᕆᐊᖃᕐᓂᖏᑦ ᑐᐊᕕᕐᓇᖅᓯᖕᒪᑕ. ᐅᓪᓗᒥ ᐃᓐᓇᕆᔭᕗᑦ ᑭᖑᓪᓕᖅᐸᐅᔪᒃᓴᐅᓕᕐᒪᑕ ᐊᑎᖅᓯᐊᕈᓐᓇᖅᑐᑦ ᐊᔾᔨᓐᖑᐊᓃᑦᑐᓂᒃ ᑕᐃᔅᓱᒪᓂ ᐊᔾᔨᓕᐅᖅᑕᐅᕙᓚᐅᖅᑐᓂᒃ, ᑖᒃᑯᐊᖑᓐᓂᖏᑉᐸᑕ ᐊᔾᔨᓐᖑᐊᓃᑦᑐᑦ ᐊᑎᖏᑦ ᐊᓯᐅᑐᐃᓐᓇᕋᔭᖅᑎᓪᓗᒋᑦ.

ᐱᒋᐊᓕᓵᖅᑎᓪᓗᒍ ᐱᓕᕆᐊᖑᔪᖅ ᐊᑎᖅᓯᐅᕐᓂᕐᒥᒃ, ᐊᔾᔨᓐᖑᐊᑦ ᐃᒡᓗᓕᖕᒥᓐᖔᖅᓯᒪᔪᑦ, 1950ᖏᓐᓂ ᐊᔾᔨᓕᐅᖅᑕᐅᓯᒪᔪᑦ ᕆᑦᓱᑦ ᕼᐅᕆᖕᑕᓐᒧᑦ ᖃᕋᓴᐅᔭᓄᐊᖅᑲᖅᑕᐅᓚᐅᖅᑐᑦ ᕿᓪᓕᖅᑐᓄᐊᖅᑕᐅᓪᓗᑎᒡᓗ. ᑕᒫᓂᕐᕆᔪᓐᓇᖅᑐᓂᒃ ᖃᕋᓴᐅᔭᓂᒃ ᐊᑐᖅᖢᑎᒃ, ᒪᒃᑯᒃᑐᑦ ᐃᓐᓇᕐᓄᑦ ᐳᓚᕋᓚᐅᖅᑐᑦ ᐃᒡᓗᓕᖕᒥ, ᓇᓗᓇᐃᔭᐃᓪᓗᑎᒃ ᐊᑎᖅᓯᐅᖅᖢᑎᒡᓗ ᐊᔾᔨᓕᐅᖅᑕᐅᓯᒪᔪᓂᒃ. ᐱᒋᐊᓕᓵᕐᓂᐅᓚᐅᖅᑐᖅ ᑲᔪᓯᓂᖃᑦᑎᐊᖅᑐᒻᒪᕆᐊᓘᓚᐅᖅᑐᖅ. ᐅᓄᖅᑐᒻᒪᕇᑦ ᐃᓐᓇᐃᑦ ᐊᖓᔪᖅᑳᒥᖕᓂᒃ, ᐊᓯᖏᓐᓂᒡᓗ ᐃᓚᒥᖕᓂᒃ ᓇᓗᓇᐃᖅᓯᔪᓐᓇᓚᐅᖅᑐᑦ, ᐃᓚᖏᓐᓂᒡᓘᓐᓃᑦ ᐃᒻᒥᓂᒃ ᐃᓕᓴᕆᕙᒃᖢᑎᒃ. ᑕᐃᒪᓐᖓᓂᑦ ᐱᓕᕆᐊᖑᔪᖅ ᑲᔪᓯᑎᑕᐅᓯᒪᓕᖅᑐᖅ ᐊᓯᖏᓐᓂᒃ ᐊᔾᔨᓐᖑᐊᓂᒃ ᐃᓚᒋᐊᖅᖢᒍ ᐊᔾᔨᒌᓐᖏᑦᑐᓂᒃ ᓄᓇᓕᒥᐅᓂᒃ ᐱᓕᕆᐊᖃᓕᖅᖢᑎᒃ, ᖁᕐᓗᖅᑐᒥ, ᑕᓗᕐᔪᐊᕐᒥ, ᒥᑦᑎᒪᑕᓕᖕᒥ, ᐸᖕᓂᖅᑑᕐᒥ, ᑭᓐᖓᕐᓂ ᐃᖃᓗᖕᓂᓗ.

ᐱᓕᕆᐊᖑᔪᑦ ᐊᑎᖅᓯᐅᕐᓂᕐᒥᒃ ᓄᓇᓕᖏᑦ ᓇᓗᓇᐃᔭᖃᑦᑕᕐᓂᐊᖅᑐᑦ, ᑕᒪᐃᓐᓂᒃ ᐃᓄᒃᑐᑦ ᑕᐃᔭᐅᔾᔪᓯᖏᓐᓂᒃ ᐅᕝᕙᓘᓐᓃᑦ ᖃᓪᓗᓈᑐᑦ ᑕᐃᔭᐅᔾᔪᓯᖏᓐᓂᒃ, ᐱᖃᑖ ᑭᖑᓪᓕᐅᓪᓗᒍ. ᐊᔾᔨᓐᖑᐊᑦ ᐊᔾᔨᓕᐅᖅᑕᐅᕙᓚᐅᖅᑐᑦ ᑕᐃᔅᓱᒪᓂ ᓄᓇᓖᑦ ᖃᓪᓗᓈᑐᑦ ᑕᐃᔭᐅᔾᔪᓯᖃᖅᑎᑕᐅᑎᓪᓗᒋᑦ. ᐅᓪᓗᒥ, ᓄᓇᕗᑕᖃᓕᖅᑎᓪᓗᒍ ᐃᓄᐃᑦ ᓄᓇᓕᖕᒥ ᐊᑎᖏᓐᓂᒃ ᐅᑭᐅᖅᑕᖅᑐᒥ ᐊᑐᕐᓂᖅᓴᐅᓕᖅᑐᑦ ᓲᕐᓗ ᐃᖃᓗᐃᑦ ᐊᒻᒪᓗ ᐊᕐᕕᐊᑦ ᑕᐃᔭᐅᔾᔪᓯᕐᒥᓂᒃ ᐃᓄᒃᑎᑐᑦ ᐅᑎᖅᑎᑦᑎᓯᒪᓕᖅᑑᒃ. ᐊᓯᖏᑦ ᐃᓄᒃᑐᑦ ᑕᐃᔭᐅᔾᔪᓯᕐᓂᒃ ᐅᑎᖅᑎᑦᑎᓇᓱᒃᐸᓪᓕᐊᓕᕋᓗᐊᖅᑎᓪᓗᒋᑦ, ᐅᓄᖅᑐᑦ ᓱᓕ ᑕᒪᐃᓐᓂᒃ ᐊᑐᖅᐸᒃᑐᑦ. ᐊᔾᔨᓐᖑᐊᓂᒃ ᕿᓂᕈᓐᓇᖅᑐᑎᑦ ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥ ᑕᒪᐃᓐᓂᒃ ᑕᐃᔭᐅᔾᔪᓰᖕᓂᒃ ᐃᓄᒃᑎᑐᓪᓗ ᖃᓪᓗᓈᑎᑐᓪᓗ ᐊᑐᕈᓐᓇᖅᑐᑎᑦ. ᐃᓄᒃᑐᑦ ᑎᑎᕋᖅᑕᐅᓯᒪᔪᑦ ᐱᔭᐅᓯᒪᕗᑦ ᐃᓄᐃᑦ ᓄᓇᓕᖏᑦᑕ ᓄᓇᓐᖑᐊᖓ ᑲᓇᑕᒥ ᐱᔭᐅᓪᓗᑎᒃ, ᐃᓄᐃᑦ ᑕᐱᕇᑦ ᑲᓇᑕᒥ ᖃᕋᓴᐅᔭᒃᑯᑦ ᑕᑯᔭᒐᖓᓐᓂᑦ, ᐊᒻᒪᓗ ᐅᑭᐅᖅᑕᖅᑐᒥ ᓄᓇᓖᑦ ᐊᑎᖏᑦᑕ ᐊᓯᔾᔨᖅᑕᐅᓂᖏᓐᓂ ᑲᓇᑕᒥ ᓄᓇᖏᑦᑕ ᐊᑎᖏᓐᓂ ᖃᕋᓴᐅᔭᒃᑯᑦ ᑕᑯᔭᒐᖅ ᑲᓇᑕᒥ ᓄᓇᒥᓐᖔᖅᓯᒪᔪᓕᕆᔨᒃᑯᓐᓂᑦ.

ᐱᓕᕆᐊᖅ ᐊᑎᖅᓯᐅᕐᓂᕐᒥᒃ ᐱᓕᕆᖃᑎᒌᖕᓂᐅᕗᑦ ᓄᓇᕗᑦ ᓯᕗᓂᒃᓴᕗᒃᑯᓐᓂᑦ, ᓯᓚᑦᑐᓴᕐᕕᒃ ᐋᑐᕚᒦᑦᑐᖅ, ᐃᓄᖕᓂᒃ ᒪᒃᑯᒃᑐᓂᒃ ᓄᓇᕗᒻᒥᐅᓂᒃ ᐃᓕᓐᓂᐊᖅᑎᖃᖅᖢᓂ; ᐱᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓄᑐᖃᐃᑦ ᒪᒃᑯᒃᑐᓪᓗ ᐱᓕᕆᕝᕕᖓᓂ ᓄᓇᕗᑦ ᒐᕙᒪᖓᓐᓂᑦ; ᐊᒻᒪᓗ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖕᒥᓗ.

ᐅᖃᐅᓯᖅ ᐱᒻᒪᕆᐅᓂᖓᓄᑦ ᑕᕝᕙᓂ ᐱᓕᕆᐊᖃᕐᓂᕐᒥ ᐊᑎᖅᓯᐅᕐᓂᕐᒥ, ᑖᓐᓇ ᖃᕋᓴᐅᔭᒃᑯᑦ ᑕᑯᔭᒐᓕᐊᖑᔪᑦ ᑕᐃᒪᓐᓂᑦ ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐋᖅᑭᒃᓱᖅᑕᐅᓯᒪᔪᖅ.

ᒥᑦᑎᒪᑕᓕᖕᒥ ᑐᓄᓂᕐᒥ ᐊᔾᔨᓕᐅᖅᑕᐅᓂᑯᐃᑦ
ᐅᒥᓕᒃ ᒪᒍᕋᒍ ᐊᑯᒪᓕᐅᑉ ᑐᓄᐊᓃᑦᑐᖅ, ᒪᑭ ᐊᖑᑎᕐᔪᐊᕐᓗ. ᐅᓪᓗᖓ ᖃᐅᔨᒪᔭᐅᓐᖏᑦᑐᖅ ᐊᔾᔨᓕᐅᕆᔨ: ᖃᐅᔨᒪᔭᐅᓐᖏᑦᑐᖅ PA-042117 ᑎᑎᕋᐅᑕᐅᓯᒪᓂᖓ	ᐊᑯᒪᓕᒃ ᐊᒡᒋᓯ 1923 ᐊᔾᔨᓕᐅᕆᔨ: ᓚᐅᓯᐊᐃ ᐳᕐᕙᔅ PA-099053 ᑎᑎᕋᐅᑕᐅᓯᒪᓂᖓ	ᖃᓐᖑᖅ ᐊᒡᒋᓯ 1923 ᐊᔾᔨᓕᐅᕆᔨ: ᓚᐅᓯᐊᐃ ᐳᕐᕙᔅ PA-099057 ᑎᑎᕋᐅᑕᐅᓯᒪᓂᖓ	(ᑐᓄᐊᓃᑦᑐᑦ): ᒫᑕ ᖃᐅᕆᓐᓂᖅ, (ᓴᐅᒥᐊᓂ), ᑑᕐᖔᓗᒃ (ᕿᑎᐊᓂ) ᐊᒻᒪᓗ ᐅᒃᐱᒡᔫᔭᖅ (ᑕᓕᖅᐱᐊᓂ), ᒨᓯᓯ ᐃᑦᑐᑯᓱᒃ ᓯᕗᓂᐊᓃᑦᑑᒃ ᓯᑎᐱᕆ, 17, 1924 ᐊᔾᔨᓕᐅᕆᔨ: ᓚᐅᓯᐊᐃ ᐳᕐᕙᔅ PA-099156 ᑎᑎᕋᐅᑕᐅᓯᒪᓂᖓ

ᐃᒃᑲᕐᕆᐊᓗᒃ ca. 1924 ᐊᔾᔨᓕᐅᕆᔨ: ᕈᐃ ᑕᔅ PA-102275 ᑎᑎᕋᐅᑕᐅᓯᒪᓂᖓ

ᐸᓪᓗᖓ (ᓴᐅᒥᐊᓂ), ᐃᓇᒃᓯᐊ (ᕿᑎᐊᓂ) ᐊᒻᒪᓗ ᐊᑦᑐᓱᖓ (ᑕᓕᖅᐱᐊᓂ) 1924 ᐊᔾᔨᓕᐅᕆᔨ: ᕈᐃ ᑕᔅ PA-102278 ᑎᑎᕋᐅᑕᐅᓯᒪᓂᖓ

(ᓴᐅᒥᐊᓂᑦ ᑕᓕᖅᐱᖕᒧᑦ) ᓄᑲᑉᐱᐊᓐᖑᐊᖅ, ᐊᖑᑦ ᓇᓗᓇᐃᖅᑕᐅᓯᒪᓐᖏᑦᑐᖅ, ᐃᓇᓗᓐᖑᐊᖅ ᐋᒡᒋᓯ 1925 ᐊᔾᔨᓕᐅᕆᔨ: ᕙᓚᑲᑦ PA-102447 ᑎᑎᕋᐅᑕᐅᓯᒪᓂᖓ

(ᓴᐅᒥᐊᓂᑦ ᑕᓕᖅᐱᖕᒧᑦ) ᖃᐅᒪᔪᖅ, ᐲᐱ ᓇᓴᖅ, ᔮᓇᑕᓐ ᐊᕐᓇᑲᓪᓚᒃ, ᐊᒻᒪᓗ ᕉᑕ ca. 1940 - 1944 ᐊᔾᔨᓕᐅᕆᔨ: ᖃᐅᔨᒪᔭᐅᓐᖏᑦᑐᖅ PA-121387 ᑎᑎᕋᐅᑕᐅᓯᒪᓂᖓ

ᐊᕐᓇᐅᔪᒪᔪᖅ ᐱᐅᖏᑦᑐᖅ ᖁᓪᓕᕐᒥᓂ ᑲᒪᔪᖅ ᑐᐱᕐᒥᓂ 1950 ᐊᔾᔨᓕᐅᕆᔨ: ᐊᓕᒃᓴᓐᑐ ᓯᑏᕙᓐᓴᓐ PA-143231 ᑎᑎᕋᐅᑕᐅᓯᒪᓂᖓ

ᐅᐃᕐᖑᑦ ᐅᓪᓗᖓ ᖃᐅᔨᒪᔭᐅᓐᖏᑦᑐᖅ ᐊᔾᔨᓕᐅᕆᔨ: ᖃᐅᔨᒪᔭᐅᓐᖏᑦᑐᖅ PA-189121 ᑎᑎᕋᐅᑕᐅᓯᒪᓂᖓ

ᑕᕝᕙᓂ ᖃᕋᓴᐅᔭᒃᑯᑦ ᑕᑯᔭᒃᓴᓂᒃ ᑕᑯᓂᐊᖅᑕᑎᑦ

ᓄᓇᕗᒻᒥᑦ ᓂᐲᑦ ᐃᓚᖃᖅᐳᖅ ᑎᑎᕋᖅᓯᒪᔪᓂᒃ, ᓈᓚᒐᒃᓴᓂᒃ ᐊᒻᒪᓗ ᑕᕐᕆᔭᒐᒃᓴᒥᒃ ᓇᓗᓇᐃᔭᖅᓯᒪᔪᒥᒃ ᖃᓄᖅ ᑕᒪᒃᑯᐊ ᓄᐊᑕᐅᓚᐅᕐᒪᖔᑕ ᐊᑎᖅᓯᐅᕐᓂᕐᒧᑦ ᐱᓕᕆᐊᖑᔪᒥ, ᐊᒻᒪᓗ ᓄᓇᕗᒻᒥᑦ ᐃᓐᓇᕐᓂᑦ ᒪᒃᑯᒃᑐᓂᒡᓗ ᑎᑎᕋᐅᑕᐅᓯᒪᔪᓂᒃ ᐃᓚᖃᕆᓪᓗᓂ.

ᐃᓄᒃᑎᑐᑦ ᐅᖃᐅᓰᑦ ᑎᑎᕋᐅᓯᖃᖅᓯᒪᔪᖅ ᖃᓄᖅ ᐃᓄᐃᑦ ᑎᑎᕋᐅᓯᖓᑦ ᐱᕙᓪᓕᐊᓯᒪᖕᒪᖔᖏᑦ.

ᑲᓇᑕᒥ ᐅᖃᓕᒫᒐᖃᕐᕕᖕᒥ ᐊᒻᒪᓗ ᑐᖅᑯᖅᑕᐅᓯᒪᕝᕕᖕᒥ ᐊᔾᔨᓐᖑᐊᑦ ᓄᐊᑕᐅᓯᒪᔪᑦ ᑕᕝᕙᓂ ᐃᓚᓕᐅᑎᔭᐅᓯᒪᔪᑦ ᑕᑯᔪᓐᓇᖅᑕᓯ ᐊᔾᔨᓐᖑᐊᑦ ᓄᐊᑕᐅᓯᒪᔪᑦ ᐅᐸᒡᓗᒍ.

ᐊᑎᖅᓯᐅᕐᓂᖅ ᑲᔪᓯᔪᖅ ᐊᔾᔨᓐᖑᐊᖃᖅᐳᖅ ᓱᓕ ᐊᑎᖅᓯᐊᖅᑕᐅᓯᒪᓐᖏᑦᑐᓂᒃ, ᐊᒻᒪᓗ ᕿᒥᕐᕈᔪᒥᒃ ᐊᔾᔨᓐᖑᐊᕐᒥᒃ ᖃᐅᔨᒪᔪᖃᖅᐸᑦ ᐃᑲᔪᕐᓂᖃᕈᓐᓇᖅᑎᑦᑎᓪᓗᓂ.

ᐅᐸᒡᓗᒍ ᕿᓂᕐᓂᖅ ᐊᔾᔨᓐᖑᐊᓂᒃ ᑕᒪᕐᒥᒃ ᐊᔾᔨᓐᖑᐊᑦ ᐊᑎᖅᓯᐅᕐᓂᕐᒧᑦ ᐱᓕᕆᐊᒥ ᓄᐊᑕᐅᓯᒪᔪᑦ ᑕᑯᔪᒪᒍᕕᒋᑦ. ᖃᕋᓴᐅᔭᒧᐊᖅᑲᖅᑕᐅᓯᒪᔪᑦ ᓇᓗᓇᐃᖅᓯᓯᒪᔪᑦ ᐊᔾᔨᓐᖑᐊᓂᒃ ᐊᑎᖅᓯᐊᖅᑕᐅᓯᒪᔪᓂᒃ ᑕᕝᕙᓂ ᐱᓕᕆᓂᐅᔪᒥ, ᐊᒻᒪᓗ ᐊᔾᔨᓐᖑᐊᖃᖅᖢᓂ ᓱᓕ ᐊᑎᖅᓯᐊᖅᑕᐅᓯᒪᓐᖏᑦᑐᓂᒃ ᓱᓕ. ᑕᕝᕙᓂ ᐃᓚᓕᐅᔾᔨᓯᒪᒋᕗᑦ ᐊᔾᔨᓐᖑᐊᓂᒃ ᒫᓐᓇᓵᖅ ᐊᖅᑎᖅᑕᐅᓵᖅᑐᕕᓂᕐᓂᒃ, ᐊᒻᒪᓗ ᓄᓇᓖ ᓄᓇᓐᖑᐊᑎᒍᑦ ᓇᓗᓇᐃᖅᑕᐅᓯᒪᓪᓗᑎᒃ ᓄᓇᕗᑦ ᓄᓇᓐᖑᐊᖓᓐᓂ. ᐅᓪᓗᒥᒧᑦ, ᐅᓄᖅᑐᒻᒪᕆᐊᓗᐃᑦ ᐊᑏᑦ ᐃᖅᑲᐅᒪᔭᐅᓯᒪᔪᑦ ᓄᓇᕗᒻᒥᐅᑦ ᐃᓐᓇᖏᓐᓄᑦ, ᐊᒻᒪ ᓱᓕ ᐱᓕᕆᐊᕆᕙᓪᓕᐊᖏᓐᓇᕐᓂᐊᖅᑕᕗᑦ ᐊᑎᖅᓯᐅᕐᓂᖅ ᐊᓯᖏᓐᓂᒃ ᐊᔾᔨᓐᖑᐊᓂᒃ.