Elizabeth II (regina Britanniarum)

Elizabeth II (regina Britanniarum)

Res apud Vicidata repertae:

Nativitas: 21 Aprilis 1926; Mayfair
Patria: Britanniarum Regnum
Nomen nativum: Elizabeth Alexandra Mary Windsor

Officium

Officium: Rex/Regina Britanniarum
Munus: Monarcha

Consociatio

Religio: Ecclesia Anglica

Familia

Genitores: Georgius VI; Elisabetha Bowes-Lyon
Coniunx: Princeps Philippus, dux Edimburgi
Proles: Carolus Walliae Princeps, Anne, Princess Royal, Prince Andrew, Duke of York, Prince Edward, Earl of Wessex
Familia: Windsorani, British royal family

Memoria

Laurae: Crux magna Legionis Honoris, Knight Grand Cross with Collar of the Order of Merit of the Italian Republic, Grand Order of King Tomislav, Ordo Aquilae Albae, Collar of the Order of the White Lion, Ordinis Velleris Aurei eques, Order of the Crown of India, Ordo Periscelidis, Knight Grand Cross with Collar of the Order of St. Olav‎, Nansen Refugee Award, Cross of Recognition, Order of the Three Stars, 1st Class, Grand Cross Special Class of the Order of Merit of the Federal Republic of Germany, Collar of the Order of the Star of Romania, Grand Cross of the Order of Merit of the Republic of Poland, Knight Grand Cross in the Order of the Netherlands Lion, Collar of the Order of the Cross of Terra Mariana, Grand Cross with Collar of the Order of the Falcon, Grand Cordon of the Order of Leopold, Grand Cross of the Order of the Southern Cross, Grand Cross with collar of the Order of Vytautas the Great, Time Person of the Year, Order of Freedom, Order of the Nile, Order of the Yugoslavian Great Star, Royal Victorian Chain, Order of the Supreme Sun, Defence Medal, War Medal 1939–1945, King George VI Coronation Medal, Royal Family Order of King George VI, Grand Order of Mugunghwa, Order for Exceptional Merits, Order of the Star of Ghana, Xirka Ġieħ ir-Repubblika, Order of the Golden Heart of Kenya, Order of the Crown of the Realm, Order of the Republic of The Gambia, Family Order of Laila Utama, Royal Family Order of the Crown of Brunei, Order of Kuwait, Darjah Utama Temasek, Order of the Niger, National Order of Niger, Order of Valour, Grand Cordon of the National Order of the Leopard, Order of Independence, Order of the Republic, Star of the Republic of Indonesia, National Order of the Ivory Coast, Order of the Star of Africa, Order of the Pioneers of Liberia, National Maltese Order of Merit, Order of Independence (Qatar), Grand Cross of the National Order of the Lion, Order of the Virtues, Order of Ojaswi Rajanya, Order of Oman, Order of the Star of Jordan, Order of Abdulaziz al Saud, Order of al-Hussein bin Ali, Order of Pahlavi, Order of Saints Olga and Sophia, Grand Collar of the Order of Good Hope, Crux Magna Taeniae Trium Ordinum, Order of the Gold Lion of the House of Nassau, Grand Cross of the National Order of Mali, Order of Manuel Amador Guerrero, Order of Solomon, Order of the Equatorial Star, Order of Merit, Order of Merit for Distinguished Services, Order of the Golden Fleece, Grand Cross of the Order of the White Double Cross‎, Order of the Royal House of Chakri, Grand Collar of the Military Order of the Tower and Sword, Ordo Regius Seraphim, Grand Cross of the Order of Charles III, Order of Boyacá, Order of State of Republic of Turkey, Order of Mubarak the Great, Star of the Socialist Republic of Romania, Grand Cross of the Order of the White Rose of Finland, Albert Medal, Ordo Elephantis, Collar of the Supreme Order of the Chrysanthemum, Grand Cross Special Class of the Order of Merit of the Federal Republic of Germany, Grand Star of the Decoration for Services to the Republic of Austria, Grand Collar of the Military Order of Saint James of the Sword

Insignia heraldica

Elizabeth II (Elizabeth Alexandra Maria Windsor, nata in regione urbana Mayfair Londinii die 21 Aprilis 1926) est monarcha constitutionalis sedecim civitatum suorum iurum regnorum Consortionis Populorum appellatarum, caput Consortionis Populorum, atque caput civitatis Provinciarum Coronae Britannicae.

Ad regnum anno 1952 accedens, facta est Consortionis Populorum Princeps et regina regnans septem liberarum Consortionis Populorum civitatum: Britanniarum Regni, Canadae, Australiae, Novae Zelandiae, Unionis Africae Australis, Dominionis Pakistaniae, et Dominionis Taprobanes. Inter 1956 et 1992 numerus suorum regnorum variabatur cum territoria libertatem capesserent et quaedam regna reipublicae facta essent. Hodie, cum civitatibus quattuor supradictis, Elizabeth est Regina Iamaicae, Barbatae, Insularum Bahamensium, Granatae, Papuae Novae Guineae, Insularum Salomonis, Tuvalu, Sanctae Luciae, Sancti Vincentii et Granatinarum, Belizae, Antiquae et Barbudae, et Sancti Christophori et Nevis. Suum regnum, annorum 68 ad praesens, est secundum a regno monarchae Britannici longissime regnanti; solum Regina Victoria diutius regnavit. Sui festi dies adamantini anno 2012 celebrantur.

Elizabeth, Londinii nata, domi secreto educata est. Pater regnum excepit Georgius VI anno 1936, Eduardo VIII fratre se regno abdicante. Ea ad rempublicam per secundum bellum mundanum accessit, cum in Auxiliary Territorial Service^? mereret. Anno 1947, Principi Philippo, Duci Edinburgi, nupsit, cui quattuor liberos peperit: Carolum, Annam, Andream, Eduardum. Suus ritus impositionis diadematis anno 1953 factus est, primus televisione emissus.

Inter suas multas salutationes historicas et congressiones sunt salutatio civitatis ad Rempublicam Hibernicam salutationesque mutuae ad et a tribus papis Catholicis Romanis. Intra Regnum Britanniarum, ea maiores observavit mutationes constitutionales, inter quas Conventus Nationalis Cambriae apertus et Parlamentum Scoticum apertum. Inter tempora sibi magni momenti fuerunt ortus et nuptiae liberorum, ortus nepotum et neptium, inauguratio Principis Walliae, et celebratio festorum dierum argenteorum et festorum dierum aureorum annis 1977 et 2002 habitorum.

Maiores vitae reginae res gestae societatem comprehendunt Regni Britanniarum et Consortionis Populorum in nonnullis bellis, inter quae Tumultus in Hibernia Septentrionali, Bellum Coreanum, Bellum Falklandense, atque bella cum Iraquia et Afgania. Fuerunt tempora magni doloris proprii, inter quae praematurus patris obitus; caedes Domini Mountbatten, patrui Principis Philippi; dissolutio matrimoniorum liberorum 1992 (anno quem ipsa Latine annum horribilem appellavit); mors anno 1997 nurus Dianae, Principissae Cambriae; mortesque matris et sororis anno 2002. Ea iniquum familiae regalis iudicium ex prelo humili aliquando accepit, etiam adeo opiniones respublicanas, ambo in Britanniarum Regno et in aliis civitatibus Consortionis Populorum, sed populi favorem continenter conservat.

Multis in linguis sunt tituli eius auctoritate proclamata; Latine sic dicuntur: Elizabeth II, Dei Gratia Britanniarum Omnium Regnorumque Suorum Ceterorum Regina, Consortionis Populorum Princeps, Fidei Defensor. Ceterum autem Ecclesiae Anglicae quoque praesidet.

Vita

Principissa Elizabeth, tres annos nata, 1929.

Elizabeth fuit progenies prima Principis Alberti, Ducis Eboracensis (deinde Regis Georgii VI), eiusque uxoris Elizabeth. Pater fuit alter Regis Georgii VI et Reginae Mariae filius, et mater fuit minima Claudii Bowes-Lyon, quarti decimi Comitis Strathmore et Kinghorne, nobilis Scotici, filia. Nata est sectione Caesareana apud 17 Bruton Street, Mayfair, domi avi materni Londinii, hora 2:40 a.m. (GMT) die 21 Aprilis 1926. Cosmo Lang, Archiepiscopus Eboraci Anglicanus, eam baptizavit in domestica Palatii Buckinghamensis cappella die 29 Maii. Appellata est Elizabeth ex matre, Alexandra ex matre Georgii V (quae sex menses ante mortua erat), et Maria ex avia paterna. Familiares eam Lilibet appellaverunt. Georgius V neptem tam fovit ut, per aegritudinem periculosam anno 1929, eius salutationes constantes in diariis popularibus et deinde a biographis habebantur suos spiritus confirmavisse et recuperationem adiuvisse.

Una cum Margarita sorore a praeceptoribus privatis educata est.

Anno 1936, cum patruus Eduardus VIII regno se abdicaret, Elizabeth throni heres facta est. Inter secundum bellum mundanum, Elizabeth in oppido Windsor vixit, et ab anno 1944 Auxiliary Territorial Service auxilium dedit.

Patre Georgio VI die 6 Februarii 1952 mortuo, Elizabeth regina Londinii proclamata est, dum ea Keniam visitabat. Diadema ei impositum est die 2 Iunii 1953.

Iubilaeum adamantinum

Adamantinum Elizabethae iubilaeum anno 2012 eam sexaginta annos reginam celebrat. Die olim initi a se imperii regina nuntiavit: "Hoc anno singulari, cum me denuo officio vestro dedico, spero fore, ut nobis omnibus consensus unitatisque potentia et convocans vis familiae, amicitiae, viciniae in memoriam reducatur. . . . Hoc anno iubilaeo etiam, ut spero, pro omnibus ab anno 1952 melioribus factis gratiae agentur, futura autem claro iudicio et corde calente exspectentur."

Elizabetha una cum marito iter maximum per Britanniarum Regnum suscepit, cum liberi ac nepotes reginae nomine regna Consortionis Populorum visitarent. Die 4 Iunii, plurimis orbis terrarum locis, imprimis autem Londinii, dies sollemnes summum fastigium attingunt.

Familia

Elizabetha die 20 Novembris 1947 Philippo nupsit (nato 10 Iunii 1921), Principi Graeciae et Daniae, filius Principis Andreae Graeciae et Daniae (fili Georgi I, primi regis Graeciae, et reginae Olgae, natae magna ducissa Russiae) Principissaeque Alicis Montis Batten (filiae Principi Ludovici Montis Batten et Principissae Victoriae Hassiae et Rheni), qui ad matrimonium honorandum suos regios titulos amisit, maternum cognomen (quod anno 1917 anglicizatus erat et factus "Mountbatten" pro germanico "Battenberg") sumpsit et Edimburgi dux creatus est. Quattuor liberos generaverunt:

• Principem Carolum Philippum Arturum Georgium, Principem Cambriae (natum 14 Novembris 1948), qui nuptias fecit (29 Iulii 1981) et divortium (28 Augusti) 1996 a Domina Diana Francisca Spencer (1961–1997); postea, 9 Aprilis 2005, in matrimonium duxit Camillam Parker-Bowles, natam Camillam Shand
• Principissam Annam Elizabeth Aliciam Ludovicam, Principissam Regalem (natam 15 Augusti 1950), quae nupsit (14 Novembris 1973 et fecit divortium (28 Aprilis 1992) a Marco Antonio Petro Phillips; postea, 12 Decembris 1992, nupsit Timotheo Laurence
• Principem Andream Albertum Christianum Eduardum, Eboraci Ducem (natum 19 Februarii 1960), qui nuptias fecit (23 Iulii 1986) et divortium (30 Maii 1996) a Sara Margareta Ferguson
• Principem Eduardum Antonium Ricardum Ludovicum, Geuissarum Comitem (natum 10 Martii 1964), qui Sophiam Helenam Rhys-Jones in matrimonium duxit 19 Iunii 1999

Horum ex parte liberorum, octo nepotes Elizabethae Philippique sunt:

• Petrus Marcus Andreas Phillips, natus 15 Novembris 1977, Annae principissae filius (qui anno 2008 Autumnum Kelly uxorem duxit, quae ab eo duas filias genuit: Savannam et Islaiam)
• Sara Anna Elizabeth Phillips, nata 15 Maii 1981, Annae principissae filia (quae anno 2011 Michael Tindall nupsit et ab eo postea genuit Miam filiam)
• Princeps Gulielmus Arthurus Philippus Ludovicus, Dux Cantabrigiae, natus 21 Iunii 1982, Caroli principis filius, (qui, secundus ordinis heredum regni, anno 2011 Catherinam Middleton uxorem duxit, quae ab eo tres liberos genuit: Principem Georgium Cantabrigiae et Principissam Carlotam Cantabrigiae et Principem Ludovicum Cantabrigiae)
• Princeps Henricus Carolus Albertus David Cambriae, "Harry" appellatus, natus 15 Septembris 1984, Caroli principis filius (sextus ordinis heredum regni, qui anno 2018 Meghanam Markle, Americanam, uxorem duxit quae ab eo Archie Mountbatten-Windsor filium genuit)
• Principissa Beatrix Elizabeth Maria Eboraci, nata 8 Augusti 1988, Andreae principis filia
• Principissa Eugenia Victoria Helena Eboraci, nata 23 Martii 1990, Andreae principis filia
• Domina Ludovica Alicia Elizabeth Maria Mountbatten-Windsor, nata 8 Novembris 2003, Eduardi principis filia
• Iacobus Alexander Philippus Theo, Vicecomes Severn, natus 17 Decembris 2007, Eduardi principis filius.

Arma gentilitia

Die 21 Aprilis anno 1944, principissae Elizabethae arma gentilitia propria super scutum domicellae atque paris regni parallelogrammum, immo rhombum, indutum ab armis Britanniarum Regni componuntur, cum transversa scuti gentilitii taenia vel potius lambello inter pendentes argenteos tres dispertita inter quos is media Tudorum rosa una dum ii dexter sinisterque Georgii crucem praebentur. Postquam ad thronum accessit evidenter ipso facto lambellus ille desitus est pro armis Britanniarum Regni plenis.

• 

  Principissae Elizabethae arma gentilitia (1944–1947)

• 

  Principissae Elizabethae arma gentilitia, (Ducissa Edimburgi) (1947–1952)

• 

  Elizabethae II arma gentilitia in Britanniarum Regno (praeter Scotiam)

• 

  Elizabethae II arma gentilitia in Scotia

Pelliculae

• 2006 : The Queen

Bibliographia

• Bond, Jennie. 2006. Elizabeth: Eighty Glorious Years. Londinii: Carlton Publishing Group. ISBN 1844422607.
• Bousfield, Arthur, et Gary Toffoli. 2002. Fifty Years the Queen. Toronti: Dundurn Press. ISBN 1550023608.
• Bradford, Sarah. 2012. Queen Elizabeth II: Her Life in Our Times. Londinii: Penguin. ISBN 9780670919116.
• Brandreth, Gyles. 2004. Philip and Elizabeth: Portrait of a Marriage. Londinii: Century. ISBN 0712661034.
• Briggs, Asa. 1995. The History of Broadcasting in the United Kingdom. Vol. 4. Oxoniae: Oxford University Press. ISBN 0192129678.
• Campbell, John. 2003. Margaret Thatcher: The Iron Lady. Londinii: Jonathan Cape. ISBN 0224061569.
• Crawford, Marion. 1950. The Little Princesses. Londinii: Cassell & Co.
• Hardman, Robert. 2011. Our Queen. Londinii: Hutchinson. ISBN 9780091936891.
• Heald, Tim. 2007. Princess Margaret: A Life Unravelled. Londinii: Weidenfeld & Nicolson. ISBN 9780297848202.
• Hoey, Brian. 2002. Her Majesty: Fifty Regal Years. Londinii: HarperCollins. ISBN 0006531369.
• Lacey, Robert. 2002. Royal: Her Majesty Queen Elizabeth II. Londinii: Little, Brown. ISBN 0316859400.
• Macmillan, Harold. 1972. Pointing The Way 1959–1961. Londinii: Macmillan. ISBN 0333124111.
• Marr, Andrew. 2011. The Diamond Queen: Elizabeth II and Her People. Londinii: Macmillan. ISBN 9780230748521.
• Neil, Andrew (1996). Full Disclosure. Londinii: Macmillan. ISBN 0333646827.
• Nicolson, Harold. 1952. King George the Fifth: His Life and Reign. Londinii: Constable & Co.
• Petropoulos, Jonathan. 2006. Royals and the Reich: the princes von Hessen in Nazi Germany. Novi Eboraci: Oxford University Press. ISBN 0195161335.
• Pimlott, Ben. 2001. The Queen: Elizabeth II and the Monarchy. Londinii: HarperCollins. ISBN 0002554941.
• Roberts, Andrew. 2000. The House of Windsor, ed. Antonia Fraser. London: Cassell & Co. ISBN 0304354066.
• Shawcross, William. 2002. Queen and Country. Toronti: McClelland & Stewart. ISBN 0771080565.
• Thatcher, Margaret. 1993. The Downing Street Years. Londinii: HarperCollins. ISBN 0002550490.
• Trudeau, Pierre Elliott. 1993. Memoirs. Toronti: McLelland & Stewart. ISBN 0771085885.
• Wyatt, Woodrow. 1999. The Journals of Woodrow Wyatt. Vol. 2, ed. Sarah Curtis. Londinii: Macmillan. ISBN 0333774051.

Nexus externi

• Elizabeth II regina coronata, apud www.kalenderblatt.de (Germanice)
• Pagina interretialis Elizabeth II reginae, apud www.royal.gov.uk (Anglice)

Duces civitatum sociarum Unionis Europaeae

Alexander Van der Bellen (Austria) • Philippus rex (Belgica) • Elizabeth II regina (Britanniarum Regnum) • Rumen Radev (Bulgaria) • Miloš Zeman (Cechia) • Zoran Milanović (Croatia) • Nicolaus Anastasiades (Cyprus) • Margareta II regina (Dania) • Christina Kaljulaid (Estonia) • Saulus Niinistö (Finnia) • Emmanuel Macron (Francia) • Franciscus Gualterus Steinmeier (Germania) • Catharina Sacellaropuli (Graecia) • Michael Higgins (Hibernia) • Philippus VI rex (Hispania) • Ioannes Áder (Hungaria) • Sergius Mattarella (Italia) • Egils Levits (Lettonia) • Gitanas Nausėda (Lituania) • Henricus magnus dux (Luxemburgum) • Maria Ludovica Coleiro Preca (Melita) • Gulielmus Alexander rex (Nederlandia) • Andreas Duda (Polonia) • Marcellus Rebelo de Sousa (Portugallia) • Nicolaus Iohannis (Romania) • Susanna Čaputová (Slovacia) • Borut Pahor (Slovenia) • Carolus XVI Gustavus rex (Suecia) Opus geopoliticum • Porta Unionis Europaeae • Duces civitatum Europaearum hodiernarum Capsae cognatae: Civitates sociae Unionis Europaeae • Primi ministri Unionis Europaeae • Praesides Commissionis Europaeae

Reges Magnae Britanniae (ab 1707) et Britanniarum (ab 1801)

Anna 1702 • Georgius I 1714 • Georgius II 1727 • Georgius III 1760 • Georgius IV 1820 • Gulielmus IV 1830 • Victoria 1837 • Eduardus VII 1901 • Georgius V 1910 • Eduardus VIII 1936 • Georgius VI 1936 • Elizabeth II 1952 Opus geopoliticum • Porta Unionis Europaeae • Porta Britanniarum Regni • Duces civitatum Europaearum hodiernarum • Index Regum Britanniae Britanniarumque Capsae cognatae: Duces civitatum Unionis Europaeae • Reges Angliae 1066–1707 • Primi ministri Britannici 1721–1945 • Primi ministri Britannici 1945– • Primi ministri Caesareae insulae