Vicipaedia:Nuntii

2018[fontem recensere]

31 Decembris : Speculatrum "OSIRIS-REx" in orbitam prope superficiem asteroidis Bennu intravit
30 Decembris : Hectorem Timerman, olim cancellarium Argentinensem, mortem obiit
30 Novembris – Olim Praeses CFAe Georgius H. W. Bush mortuus est.
10 Novembris – Praeses Franciae Emmanuel Macron et cancellaria Germaniae Angela Merkel in luco prope Compendium sito indutiarum meminerant, quae die 10 Novembris anni 1918 illic in curru ferriviario facta erant. Tabulam novam detegerunt, cuius inscriptio reconciliationem civitatum eorum paci et Europae servientem laudat.
15 Iulii – certamen mundanum pedilusorium concludit, grege Franciae victore.
14 Iunii – coepit certamen mundanum pedilusorium.

28 Aprilis - Mun Jaein et Gim Jeong-eun, praesides ducesque ambarum Corearum, primum convenerunt, arborem plantaverunt armaque nuclearia detrahenda professi sunt.

12 Decembris – Vestigia fossilia in Nova Zelandia reperta sunt avis Sphenisciformis gigantis aevi Palaeocaeni, binomine novo Kumimanu biceae
29 Novembris – Locus irruptionis Romanorum in Britanniam anno 54 a.C.n., duce Caesare, ab archaeologis confirmatus est, qui vestigia castrorum cum pilo aliisque armis ferreis iuxta vicum Ebbsfleet nuper reppererunt
28 Novembris – Fossilia equidarum Americae Septentrionali nativorum novo genere zoologico monotypico adsignantur Haringtonhippo, specie (iam anno 1915 sub genere Equo descripta) H. francisci

23 Novembris – Constitutio novae speciei avium per sex generationes in insulis Galapagensibus observatur, e coitu maris Geospiza conirostris vagantis cum femina G. fortis ortae

16 Novembris – Elucidantur origo et natura corporis interstellaris 1I/ʻOumuamua quod systema solare nostrum nuper pervagabatur, forma elliptica ad rationem fere 6:1, e regione Vegae in constellatione Libra emissum
16 Novembris – Planeta extrasolaris repertus est, stellam HD 76920 constellationis Volantis circumiens, cuius orbita omnium excentrissima sit, apastro fere 2 unitatibus astronomicis a stella distante, periastro non pluribus quam 4 diametris stellae ipsius
9 Novembris – Demonstratur dinosauriorum exstinctiones effectas esse non tam impactu asteroidis qui abhinc 66 000 000 annorum in Tellurem incidit (cratere sive astroblemate Chicxulub excavato) quam natura geologica regionis Yucataniae, hydrocarboneis et sulphure repleta, ubi fuliginis et sulphatorum nebulae densissimae in altum (stratosphaeram) proiectae sint auraeque refrixerunt.

2 Novembris – Tertia species generis Pongo primum describitur, videlicet P. tapanuliensis, cuius speciei 800 tantum hominidae in parva regione insulae Sumatrae habitantur.

30 Octobris – Proponitur hoc die anni 1207 a.C.n. defectionem solis anularem accidisse, in Palaestina visibilem, quo tempore Israelitae contra Canaanitas apud Gabaon vallemque Aialon pugnabant (Iosue 10:12–14), pharaone Aegyptio Amenephthi
17 Octobris – Detegitur spelunca fere 50 chiliometra longa, sub collibus crateris lunaris Marii iacens.
12 Octobris – Orbita asteroidis 2012 TC4, 13 metris latae, hoc die orbitam Telluris intersecabit, minimá inter corpora distantiá 50 000 chiliometrorum

3 Octobris – Proponitur meteoritas tredecim e minerali nakhlita constitutas a cratere vulcanica Martiana in Elysio planitia reperta annorum fere 10 000 000 a.p. eiectas esse

2 Octobris - Galfridus Hall, Michael Rosbash et Michael Young, biologi Americani horno Praemium Nobelianum Medicinae "inventionis machinationum molecularium numerum circadianum gubernantes" accipiunt.
1 Octobris – Proponitur vira Herpetis simplicis a simiis generis Panos ad homines speciei H. erecti, inde usque ad nos, transmisisse abhinc fere 2 000 000 annis in Africa media homininae speciei Paranthropi boisei, simiarum comestores, hominibus vicini et comissatores
27 Septembris – Monstratur aves speciei Spheniscus demersus in greges se constituere ut pisces efficienter cogant et capiant

Oportet nuntios unum vel duos recentissimos semper in formulam Vicipaedia:Pagina prima/Nuntii inserere: qui in pagina prima videbuntur.