2020

2017 - 2018 - 2019 - 2020 - 2021 - 2022 - 2023

't Joar 2020 is e schrikkeljoar die begunt ip e woensdag. 't Is 't 20e joar van 't 3e millennium en van d' 21e êeuwe en 't êeste joar van 't decennium 2020-2029.

Gebeurtenissn

januoari

• 1 - Krowoasje pakt 't voorzitterschap van de Road van d' Europeesche Unie over.
• 3 - By e luchtanval van de Vereenigde Stoatn ip 't vliegpling van Bagdad, hoofdstad van Irak, sterft den Iraneesche generoal Qassem Soleimani. Doa komt astrabansje van in 't Middn-Oostn.
• 7 - Al sedert november 2019 roazn extreme busbrandn in 't zuud-oostn van Austroalië. Achter 3 moandn zyn der al meer of 'n half miljard beestn an hunder ende gekommn en meer of 25 menschn hèn 't nie overleefd.
• 8 - Vanuut Iran wordn viftien rakettn ofgeschootn ip twèe Amerikoansche luchtmachtboasissn in Irak, woaby dan der teminste 11 menschn gekwetst geroakn.
• 8 - Ukraine International Airlines-vlucht 752 stort nere met 176 menschn an boord, kort achter 't ipstygn van 't vliegpling Imam Khomeini by Teheran. E poar doagn loater gèeft Iran toe dan ze de vlieger per oengeluk hèn neregeschootn.
• 23 - Vanwege de coronavirusepidemie platst de Chineesche overheid de steedn Wuhan, Huanggang en Ezhou in quarantaine.
• 24 - Deur 'n eirdbevienge in 't oostn van Turkeye valln der teminste 41 dooie.
• 26 - In de Vereenigde Stoatn stervn den NBA-basketter Kobe Bryant, zyn dertienjoarige dochter Gianna en nog zeevn andere menschn, in 'n helikopteraccident in Calabasas, Californië.
• 31 - 't Vereenigd Keunienkryk stapt uut d' Europeesche Unie (Brexit).

februoari

• 8 - By de parlementsverkieziengn in Ierland gerakt de republikeynsche partie Sinn Féin vo den eeste kèer an kop in de geschiedenisse van 't land.
• 8 - In e wienkelcenter in de Thaise stad Nakhon Ratchasima schiet e militair zeker 29 menschn dood en der zyn ook 57 gekwetste. Den doader wordt loater zelve doodgeschootn.
• 9 - In de Vereenigde Stoatn wint de Zuud-Koreoansche film Gisaengchung (Parasite) van regisseur Bong Joon-ho den Oscar (Academy Award) vo de beste film. 't Is den eeste kèer oois dat e nie-Iengelstoalige film die prys wint.
• 10 - Oost-Afrika beleeft d' ergste ploage van woestynsprienkoanders in 70 joar.
• 10 - Storm Ciara bereykt de Britsche eylandn en West- en Noord-Europa. Der valln teminste zeevn dooie en der is serieuze materiële schoa in verschillige landn.

meye

• 12-16 - 't Euroviezjesongfestival wordt in Holland g'houdn in den Ahoy in Rotterdam, deur d' overwinnienge van Duncan Laurence in 2019 mè zyn liedje Arcade.

juli

• Van 24 juli toet 9 ogustus wordn de 29ste Olympische zomerspeeln g'houdn in Tokio, hoofdstad van Japan.

Gestorvn

januoari

• 10 - Werther Vander Sarren (78), West-Vlamschn acteur
• 12 - Aart Staartjes (81), Hollanschn acteur, regisseur, presentateur, documentairemoaker en schryver
• 19 - Pirana (72), Vlamsche cartoonist
• 21 - Terry Jones (77), Britsche komiek, schryver en regisseur
• 24 - Rob Rensenbrink (72), Hollansche foetballist
• 26 - Kobe Bryant (41), Amerikoansche basketter

februoari

• 5 - Kirk Douglas (103), Amerikoanschn acteur
• 12 - John Loridon (82), Vlamsche basketter

Ofbeeldiengn die ier by passn ku je vien in de categorie 2020 van Wikimedia Commons.