朱斯坦·杜呂多

朱斯坦·杜呂多

朱斯坦·杜呂多（法文：Justin Pierre James Trudeau；1971年12月25號—）係加拿大自由黨嘅黨領，加拿大前首相皮耶·杜呂多個大仔。

生平

朱斯坦·杜呂多2008年經聯邦下議院大選晉身政壇，當選魁北克帕必諾選區（Papineau）嘅下議員，2011年再次當選連任。佢在任期間先後擔任過自由黨影子內閣嘅青年與多元文化事務評論員、公民與移民事務評論員同埋高等教育、青年與業餘體育評論員。2011年，自由黨喺聯邦大選裡面慘敗，黨領葉禮庭黯然辭職，由李博接任臨時黨領，但係李博宣佈唔想競逐正式黨領，令到黨裡面要求朱斯坦出任黨領嘅聲音越來越大。2013年，自由黨舉行黨領選舉，朱斯坦·杜呂多高票當選。

喺2015年加拿大聯邦下議院大選裏面，自由黨異軍突起，奪取下議院大多數議席。朱斯坦·杜呂多以自由黨黨領嘅身份繼任加拿大首相，成為加拿大歷史上第一位二代首相。