Твитер (Twitter) — мрежно место во сопственост и управуванa од страна на Twitter Inc, која нуди услуга за друштвено вмрежување и микроблогирање, овозможувајќи им на своите корисници да праќаат пораки - наречени „твитови“ (англ.tweets). Твитовите се текстуални пораки со најмногу 140 знаци прикажани на страницата на профилот на корисникот. Твитовите основно се јавно видливи, но сепак испраќачите можат да го ограничат праќањето на пораките на нивните претплатници. Корисниците можат да се претплатат на други корисници.
Од своето создавање во март 2006 година и нејзиното лансирање во јули 2006 година од страна на Џек Дорси, Twitter има стекнато популарност низ целиот свет и во моментов има повеќе од 175 милиони корисници. Се проценува дека овој месец има 190 милиони корисници, 65 милиони направени твитови дневно и над 800.000 пребарувања на ден. Понекогаш Twitter се нарекува и „СМС на интернетот“.
