Twitter a l'è un servizi de social networking e microblogging. I drovador, cont telefon portatii o computer, invien e lenjen messaj, ciamads "tweets"[1]. I tweets pœden vesser long massim 140 carater e i comparen in su la pajina del cunt del drovador. I pœden vesser lenjuds de tuts, ma qii qe ie invia g'ha anca l'opzion de tener i mesaj privads: i tweet privads inn veduds domaa de qii denter la lista de amix. I drovador pœden nar-g adree anca ai tweets de oltre jents: qella roba qì a l'è ciamada following, e qell qe la pratica al se ciama follower. Del tard 2009, i drovador pœden anca segutar liste de autor. Drovar Twitter a l'è gratis, ma inviar o ciapar tweets de SMS al pœ vegnir a costar.
El sit internet al g'ha cà a San Francisco, in California. Twitter al g'ha anca di server e ofizzi a San Antonio in Texas e a Boston in Massachussetts.
El sit a l'è deventad devera famos in tut el mond de quand qe'l Jack Dorsey l'ha cread ind el 2006. Adess al g'ha plussee de 100 milion de drovador.[2].
Riferiments[Modifega | mudìfica 'l sorgènt]
- ↑ In ingles to tweet al vœl dir "far el vers di uxei".
- ↑ Twitter snags over 100 million users, eyes money-making
Ligamm de fœra[Modifega | mudìfica 'l sorgènt]
- Twitter - Sit ufiçal
- Twitter blog - Blog ufiçal
- Twitter Information and Tools
