Twitter ye un servicio de microblogging y un ret social, con siede en San Francisco, California, con filials en San Antonio (Texas) y Boston (Massachusetts) en Estaus Unius. Twitter, Inc. fue creyau orichinalment en California, pero ye baixo a churisdicción de Delaware dende 2007.[1] Dende que Jack Dorsey lo creyó en marzo de 2006, y lo lanzó en chulio d'o mesmo anyo, o ret ha ganau popularidat mundialment y s'estima que tien mas de 200 millons d'usuarios, chenerando 65 millons de tweets por día y maneyando mas de 800.000 peticions de busca diarias. Ha estau considerau como "SMS d'Internet". Entre os suyos usuarios destacan grans figuras publicas, como o president d'os Estaus Unius, Barack Obama.
O ret premite ninviar mensaches curtos de texto plano, con un maximo de 140 caracters, clamaus tweets, que s'amuestran en a pachina prencipal de l'usuario. Os usuarios pueden conducir-se a os tweets d'atros usuarios – a ixo se le diz "seguir" y a os usuarios conducius se les clama "seguidors". O servicio ye de baldes, encara que se puede incorrer en gastos de connexión. Por defecto os mensaches son publicos, podendo-se endreazar ta bells seguidors determinaus. Os usuarios pueden tweetar dende o web d'o servicio, co u con aplicacions externas (como as que i hai ta telefonos intelichents), u con o Servicio de mensaches curtos (SMS) disponible en qualques países.
Referencias[editar | editar código]
- ↑ California Secretary of State, Business Entities - Business Entity Detail http://kepler.sos.ca.gov/cbs.aspx, 18 de febrero de 2011 (acceso: 23 de febrero de 2011)
Vinclos externos[editar | editar código]
Se veigan as imáchens de Commons sobre Twitter.- (en) Pachina web oficial de twitter.
