ელისაბედ II
დიაფალი ელისაბედ II | |
Queen Elizabeth II | |
![]() | |
ელისაბედ II, 2007 წანა | |
![]() ![]() | |
დუდალ. დაჭყაფუ: | 6 ფურთუთა 1952 |
---|---|
დუდალ. დათებუ: | მოქიმინჯე მონარქი |
კორონაცია: | 2 მანგი 1953 |
წიმოხონი: | ჯორჯ VI |
მონძე: | პრინცი ჩარლზი |
დაბ. თარიღი: | 21 პირელი, 1926 |
დაბ. აბანი: | ლონდონი, გოართოიანაფილი ომაფე |
ალმასქუ: | ჰერცოგი ფილიპი |
სქუალეფი: | 4 |
ედომუშამი ჯოხო: | ელისაბედ ალექსანდრა მერი |
დინასტია: | უიონძორი |
მუმა: | ჯორჯ VI |
ნანა: | ელისაბედ ბოუზ-ლაიონი |
რელიგია: | ანგლიკანი |
ხეშმოჭარუა: | ![]() |
თიში ომაფე უდიდაშულობა დიაფალი ელისაბედ II უინძორი (ინგლ. Queen Elisabeth II, Elizabeth Alexandra Mary Windsor; დ. 21 პირელი, 1926, ლონდონი) — დიდი ბრიტანეთიშ დო ოორუე ირლანდიაშ გოართოიანაფილი ომაფეშ მამართვალი დიაფალი დო სახენწჷფოშ მადუდე, ხვისტაშა ეშართჷ 1952 წანაშ 6 ფურთუთას, გჷრგინი გიდგჷ 1953 წანაშ 2 მანგის. თაშნეშე წორომაჸალობაშ 15 სახენწჷფოშ მადუდე (ავსტრალია, ანტიგუა დო ბარბუდა, ბაჰამეფი, ბარბადოსი, ბელიზი, გრენადა, კანადა, ახალი ზელანდია, პაპუა-ახალი გვინეა, სენტ-ვინსენტი დო გრენადინეფი, სენტ-კიტსი დო ნევისი, სენტ-ლუსია, სოლომონიშ კოკეფი, ტუვალუ, იამაიკა), ანგლიკანური ოხვამეშ მადუდე, აკოანჯარაფილი ნძალეფიშ თარსარდალი დო კოკი მენიშ ლორდი.
ელისაბედიქ დებადჷ 1926 წანაშ 21 პირელს, იორკიშ ჰერცოგ ჯორჯიშ დო თიში ჩილიშ, ელისაბედიშ ფანიას. გონათუა მიღჷ დოხორეს. მუმამუშიქ ხვისტაშა ეშართჷ 1937 წანას, თიში მონძე ზუსტას ელისაბედი რდჷ. 1947 წანას ელისაბედიქ ჩილო ქაჸუნჷ ჰერცოგ ფილიპის დო თიშე ჸუნს ოთხი სქუა: ჩარლზი, ანა, ენდრიუ დო ედუარდი.
ელისაბედ II — ხანით არძოშე უნჩაში ბრიტანალი (ინგლისარი) მონარქი ისტორიას. ასეიან ბორჯიშო ელისაბედი II, ბრიტანეთიშ ხვისტაშ რეკორდსმენი რე მაფობაშ ბორჯიშ სიგჷნძორეთ[1][2], შქვეფს შქას, მოსოფელს მაჟირა აბანი უკებჷ, არძო ასეიანი სახენწჷფოშ მადუდეეფიშ შქას (ტაილანდიშ მაფა პხუმიპნ ადულიადეტიშ უკული). მოსოფელს არძოშე ხანერი ოსური რე — სახენწჷფოეფიშ მოქიმინჯე მადუდეეფს შქას, ევროპას — არძოშე ხანერი სახენწჷფოშ მოქიმინჯე მადუდე რე.
ორდოიანი წანეფი[რედაქტირაფა | წყუშ რედაქტირაფა]
ელისაბედიქ 1926 წანას დებადჷ. თიქ ინათჷ ბაკინგემიშ დოხორეს დო იორკიშ არქიეპისკოპოსიქ თის დიდაშ ჯოხო გიოდჷ. დუდმაართათ, ელისაბედის უჭირდჷ მუში ჯოხოშ გჷმორაგადაფა დო მუშ დუდშა ლილიბეთი უჯოხოდჷ, ზუსტას თეშენ გიოდჷ მუმამუშიქ თე გეძინელჯოხოთ.[3] ელისაბედიქ გონათუა, დოხორეს მუშ უკულაშ და მარგარეტწკჷმა ართო მიღჷ.
ელისაბედი დუდმაართათ ვემიაზრებუდჷ ხვისტაშ მონძეთ. თიში ჯიმადი, უელსიშ პრინცი ედუარდი ახალნორდი რდჷ დო გვალო თის ორხველუდჷ ხვისტა, მარა ჯორჯ V-იშ ღურაშ უკულ ედუარდიქ ვარია თქუ ხვისტაშე დო თინა ელისაბედიშ მუმა ჯორჯ VI-ქ დეკინჷ, ელისაბედიქ ხვისტაშ მაართა მონძეთ გჷნირთჷ.
მაჟირა მოსოფელიშ ლჷმაშ პერიოდის ელისაბედი შოტლანდიას რდჷ, მარა ლონდონშა დირთჷ. მუჟამსჷთ მენტიება ლონდონშა მიღესჷნ, მაფაქ დო თიშ ფანიაქ ვარია გაცხადჷ, ნამჷ-და კანადაშა მიდურთუმდესკონ.
1940 წანას, 13 წანაშ ხანს, რადიოშ მეშქაშობათ ელისაბედიქ მაართათ უგამჷ კათას ოფიციალურო. თიქ გაცხადჷ, ნამჷ-და არძა ირფელს აკეთენდჷ, ნამჷ-და ლჷმა ჯგირო გათებედკონ.
ელისაბედი მართალოთ ირფელს აკეთენდჷ. თინა ოცადჷდჷ კათაშ გამანგარებას, თინა ვარიას ვეჩიებუდჷ მუშათ უმუშებუდუკონ დო მექანიკოსო ხოლო მუშენდჷ. თინა, ნამჷ-და პრინცესა ხოლო ოკათუდჷ საქვარიშ მოგვარებასჷნ, კათას უმოს სტიმულს არძენდჷ. 1945 წანას, ლჷმაშ თებაშ უკული, ელისაბედი ლონდონარეფწკჷმა ართო ეიშინუანდჷ ფაშიზმშა გომორჯგუას.
ელისაბედი დიდი ხანიშ გოძვენას იჩინენდჷ მუშ მუმალი ქომონჯის. თინეფიშ ჸოროფაქ თიწკჷმა დიჭყჷ, მუჟამსჷთ თინეფქ ართიანს მაჟირათ აუხვადესჷნ. თინწკჷმა ელისაბედი 13 წანერი რდჷ. ფილიპექ დოა ელისაბედიქ ართიანწკჷმა მეჭარ-მოჭარუა ქჷდიჭყეს. 1947 წანაშ 20 გერგობათუთას ფილიპექ დო ელისაბედიქ დიქორწინეს.
1952 წანაშ 6 ფურთუთას, მუჟამსჷთ ფილიპე დო ელისაბედი ვიზიტით კენიას რდესჷნ, ჯორჯ VI-ქ დოღურჷ. ელისაბედიქ დირთჷ ლონდონშა, მარა უკვე დიაფალიშ დო ვართ პრინცესაშ სტატუსით.
გერბი[რედაქტირაფა | წყუშ რედაქტირაფა]
- შხვადოშხვა ბორჯიშ დო შხვადოშხვა ქიანაშ გერბეფი
ომაფე გერბი გოართოიანაფილი ომაფეს (შოტლანდიაშ მოხ)
ომაფე გერბი კანადას
რესურსეფი ინტერნეტის[რედაქტირაფა | წყუშ რედაქტირაფა]
სქოლიო[რედაქტირაფა | წყუშ რედაქტირაფა]
- ↑ К вечеру среды Елизавета II установит новый рекорд пребывания на троне.
- ↑ cite web|url=http://lenta.ru/news/2015/09/09/elisabeth/%7Ctitle=Елизавета II достигла рекорда продолжительности правления|date=9 сентября 2015|publisher=Lenta.ru|accessdate=10-09-2015
- ↑ ელისაბედ II "ეპიზოდი"
|
წიმოხონი: ჯორჯ VI |
გოართოიანაფილი ომაფეშ მაფა 1952 –შე |
გეჸვენჯი: ასეშახ |