Prins Philip, hertug av Edinburgh
Philip | |
| |
Fødd | Philip Battenberg 10. juni 1921 Kérkyra i Hellas |
---|---|
Tittel | Hertug av Edinburgh |
Alle titlar | Hertug av Edinburgh Prins av Storbritannia Jarl av Merioneth Baron av Greenwich |
Fullt namn | Philip Mountbatten |
Hus eller slekt | Mountbatten |
Land | Storbritannia |
Mor | Alice av Battenberg |
Far | Andreas av Hellas og Danmark |
Ektefelle | Elizabeth II av Storbritannia |
Barn | Prins Charles av Wales, Anne Mountbatten-Windsor, Andrew, hertug av York, Edward, jarl av Wessex |
Medlem | Royal Society Royal Microscopical Society |
Philip (fødd 10. juni 1921) er ektemannen til dronning Elizabeth II av Storbritannia, hertug av Edinburgh, prins av Storbritannia og tidlegare prins av Hellas og Danmark.
Philip Mountbatten, tidlegare Glücksburg, var opphavleg gresk statsborgar, med titlane prins av Hellas og Danmark. Han gav avkall på desse titlane og statsborgarskapet for å gifta seg med den dåverande prinsesse Elizabeth.
I dag har Philip titlane hertug av Edinburgh, jarl av Merioneth og baron Greenwich. Han vart òg gjort til britisk prins og har tittelen Den Høgvørde Prinsen. I 1952 vart han tildelt storkrossen med kjede av St. Olavs Orden.
Slekt[endre | endre wikiteksten]
Philip er i dag det eldste gjenlevande tipp-tipp-oldebarnet til dronning Victoria av Storbritannia, så vel som den eldste gjenlevande etterkomaren hennar etter dødsfallet til grev Carl Johan Bernadotte av Wisborg 5. mai 2012. På grunn av avstamminga frå den britiske kongefamilien er prins Philip òg med i arverekkjefylgja til den britiske trona.
I juli 1993 stadfeste britiske forskarar, gjennom DNA-analysar av blodet til prins Philip, at dei kunne stadfeste identiteten til restane av fleire medlemer i familien til keisarinne Alexandra av Russland, fleire tiår etter massakren av bolsjevikane i 1918. Prins Philip var då éin av to levande oldeborn frå den kvinnelege lina etter Alexandra si mor prinsesse Alice av Storbritannia. Den andre var systera hans, prinsesse Sophie av Hellas og Danmark, som døydde i 2001.
Titlar, tiltaleformer, dekorasjonar og våpenskjold[endre | endre wikiteksten]
Titlar og tiltaleformer[endre | endre wikiteksten]
- 10. juni 1921–18. mars 1947: Den Høgvørde Prinsen Philip av Hellas og Danmark
- 18. mars 1947–19. november 1947: Løytnad Philip Mountbatten
- 19. november 1947–20. november 1947: Den Høgvørde Sir Philip Mountbatten
- 20. november 1947–22. februar 1957: Den Høgvørde Hertugen av Edinburgh
- 22. februar 1957–i dag: Den Høgvørde Prins Philip, hertug av Edinburgh, jarl av Merioneth, baron Greenwich