Elisabeth II.

D Elisabeth II. (2007)

D Elisabeth II. (* 21. April 1926 z Mayfair, London; uf d Wält cho as HRH Princess Elizabeth Alexandra Mary of York; zitwiis HRH The Princess Elizabeth bzw. HRH The Princess Elizabeth, Duchess of Edinburgh) us em Huus Windsor isch in Personalunion d Königin vom Vereinigte Königriich vo Grossbritannie und Nordirland und Staatsoberhaupt vo dene Commonwealth-Königriich: Antigua und Barbuda, Australien, Bahamas, Barbados, Belize, Grenada, Jamaika, Kanada, Neuseeland, Papua-Neuguinea, Salomonen, St. Kitts und Nevis, St. Lucia, St. Vincent und d Grenadine und Tuvalu. Uf de Kanalinsle herrscht si as Duke of Normandy und uf der Isle of Man as Lord of Mann. Si isch au s Oberhaupt vo dr anglikanische Chile und drait dr Ditel «Fidei Defensor» (Verdaidigeri vum Glaube).

D Elisabeth isch de vierzgischt Monarch uf em änglische reschp. britische Thron sit em Wilhälm em Eroberer. Si isch di eltisti Dochter vom König Georg VI. und dr Elizabeth Bowes-Lyon. Am 6. Februar 1952, em Dodesdag vo ihrem Vater isch si vom Dronfolgroot zur Königin proklamiert worde. Ihri Chrönig het 16 Mönet druf, am 2. Juni 1953, in dr Westminster Abbey stattgfunde. Ghürote het si dr Philip vo Griecheland und Dänemark; är isch echli spööter zum Herzog vo Edinburg ernännt worde. Chind het si vier: dr Charles (* 1948), d Anne (* 1950), dr Andrew (* 1960) und dr Edward (* 1964).

Bolitisch isch si neutral, si herrscht as parlamäntarischi Monarchin. Numme sälten emool isch es glych duuredrunge, was si eso über wäär und waas dänggt. 1997 hed si ires saphirig Regierigsjubilääum chönne fiire – si isch doozmool sit 65 Joor Königin gsi. Wäret irer lange Regierigszit het si bis jetz 14 verschideni Premierminischter ghaa (T stoot für Tory, L für Labour): de Winston Churchill (T), de Antony Eden (T), de Harold Macmillan (T), de Alec Douglas-Home (T), de Harold Wilson (2mal; L), de Edward Heath (T), de James Callaghan (L), d Margaret Thatcher (T), de John Major (T), de Tony Blair (L), de Gordon Brown (L), de David Cameron (T), d Theresa May (T) und de Boris Johnson (T).

Si hed as Königin zwai Woope:

• 

  s Woope vo dr Königin im Verainigte Königriich reschp. z Ängland, z Wales und z Nordirland

• 

  s Woope vo dr Königin z Schottland

Weblink

 Commons: Elisabeth II. (Commonwealth) – Sammlig vo Multimediadateie

Vorgänger	Amt	Nochfolger
Georg VI.	Königin vom Vereinigte Königriich und de Commonwealth Realms seit 1952	—