Invasion russa de l'Ucraina
Quest articol chì l'è scrivud in lombard, con la Noeuva Ortografia Lombarda |
L'invasion russa de l'Ucraina a l'è scominciada el 24 de fevrer 2022, dopo de 'na longa crisi che l'ha vist la Russia meter un bell numer de soldad in sul confin e, poeu, el recognossiment di republeghe separatista de Lugansk e Doneck, che hann domandad jut a Mosca che l'ha donca lanziad l'ofensiva, con l'obietiv deciarad de "demilitarizà" e "denazifegà" l'Ucraina.
L'atach, partid di confin con la Russia e la Bielorussia, l'è stad fad de terra e de l'aria, con di missil che hann colpid tut el Pajes, inclusa la capital Kiev e la zona de Leopoli, indova che la pupart di Pajes l'haveva spostad i so imbasciade.
El Putin l'ha menasciad che quei che se sarien mitud contra havarien pagad un "prezzi senza precedent", la comunità internazzional comunque l'ha reagid con di dure sanzion contra la Russia, e i borse inn andad propi in bass.