In 't nuujs

Oetgebreider nuujsberichte kan me vènje op Wikinuujs. Aw nuujsberichte waere nao e tiedsje gearchiveerd. Zuug veur de belankriekste berichte 't jaorartikel.

2020

mei

28 mei

• Oes-Azië: 't Chinees Volkscongres käört 'n wèt good die China de vrie handj gief veur in de Hongkongse veiligheidssituatie in te griepe.

27 mei

• Vereinigde Sjtaote: 't Aantal bevestigde doeje aan COVID-19 in de Vereinigde Sjtaote geit de 100.000 veurbie.
• Vereinigde Sjtaote, Weitesjap: De lancering van de ierste commercieel bemande rakèt weurt op 't lèste memènt oetgesjtèld óm sjlech waer.

26 mei

• Midde-Amerika: Costa Rica veurt op las van 'n gerichtelike oetsjpraok 't homohoewelik in.
• Economie: D'n Hongkongse zakeman Stanley Ho, veural bekèndj óm 't opzètte van de späölindustrie in Macao, sjtörf op 98-jäörige laeftied.
• Sjport: De Nederlandse voetbalster Liesbeth Migchelsen sjtörf op 49-jäörige laeftied.

25 mei

• Zuud-Amerika: Temidde van groete chaos vènje in Suriname parlemèntsverkezinge plaatsj. De VHP van oppositieleier Chan Santokhi liek te gaon winne, dewiel de regerende NDP van presidentj Desi Bouterse zjwaor verluus.

24 mei

• Kóns en cultuur: D'n Amerikaanse jazzdrummer Jimmy Cobb, veural bekèndj óm zie werk mit Miles Davis, sjtörf op 91-jäörige laeftied.

22 mei

• Zuud-Azië: 'n Vlöch van Pakistan International Airlines mit 99 luuj aan baord sjtort denaer in Karachi. 97 van hun kómme daobie óm.
• Sjport: D'n Australischen tennisser Ashley Cooper sjtörf op 83-jäörige laeftied.
• Sjport: D'n Amerikaanse basketcoach Jerry Sloan sjtörf op 78-jäörige laeftied aan de krenkde van Parkinson.
• Weitesjap: Óngerzeukers aan de Universiteit Utrech make de óntdèkking van Gelrincola winterswijkensis bekèndj, e meuleverke det in 't Trias laefde en dem zie fossiel bie Winterswijk is gevónge.

20 mei

• Zuud-Azië, Natuur en milieu: De zjwaore cycloon Amphan kump in India en Bangladesh aan landj.

18 mei

• Kóns en cultuur: De Fransen acteur Michel Piccoli sjtörf op 94-jäörige laeftied.

16 mei

• Sjport: De Bundesliga geit es ierste van alle sjtilgelagte voetbalcompetities in Europa weer van sjtart.

15 mei

• Kóns en cultuur: De Britse popmuzikantj Phil May, bekèndj van The Pretty Things, sjtörf op 75-jäörige laeftied aan de gevolge van 'ne val.

11 mei

• Nederlandj, Belsj: In Nederlandj gaon de sjole weer aop, en op 't Belsj de winkele.

10 mei

• Kóns en cultuur: D'n Amerikaanse soulzengeres Betty Wright sjtörf op 66-jäörige laeftied.

9 mei

• Kóns en cultuur: D'n Amerikaanse rock 'n roll-muzikantj Little Richard sjtörf op 87-jäörige laeftied aan knaokekanker.
• Weitesjap: 't TNO maak de óntdèkking van Mulciber bekèndj, 'n doej vulkaan oet 't Jura ónger 't Nederlands deil van de Noordzie.
• Kóns en cultuur: D'n Amerikaanse rapper en meziekóngernummer Andre Harrell sjtörf op 59-jäörige laeftied.

8 mei

• Kóns en cultuur: D'n Duutsj-Amerikaansen illusionis Roy Horn sjtörf op 75-jäörige laeftied aan COVID-19.

6 mei

• Kóns en cultuur: D'n Duutsje popmuzikantj Florian Schneider, bekèndj van Kraftwerk, sjtörf op 73-jäörige laeftied.
• Kóns en cultuur: De Jamaicaanse zengeres Millie Small sjtörf op 73-jäörige laeftied aan 'n bereurte.

4 mei

• Belsj: De quarantainemaotraegele in verbandj mit COVID-19 waere versóppeldj. Väöl bedrieve maoge bieveurbeeld weer aop.

3 mei

• Kóns en cultuur: De Britse rockmuzikantj Dave Greenfield, bekèndj van The Stranglers, sjtörf op 71-jäörige laeftied aan COVID-19.

april

30 april

• Kóns en cultuur: De Nigeriaansen drummer Tony Allen sjtörf op 79-jäörige laeftied.

29 april

• Kóns en cultuur: De Zjwaedse detectivesjriefster Maj Sjöwall sjtörf op 84-jäörige laeftied.
• Sjport: De Letse sjpeerwerper Janis Lusis, Olympisch kampioen in 1968 en mievaudig Europees kampioen, sjtörf op 80-jäörige laeftied aan kanker.
  (sjterfdaag ónbekèndj)
• Kóns en cultuur: D'n Indiasen acteur Rishi Kapoor sjtörf op 67-jäörige laeftied aan de kanker.

28 april

• Sjport: De Nederlandse keeper Eddy Pieters Graafland sjtörf op 86-jäörige laeftied.

26 april

• Oes-Azië: De Chinese regering meltj det de lèste COVID-19-patiënt in Wuhan oet 't hospitaal is óntsjlaoge.

25 april

• Kóns en cultuur: De Zjwaedse sjriever Per Olov Enquist sjtörf op 85-jäörige laeftied.

23 april

• Nederlands Limburg: De brandj in De Meinweg kump ónger control. De inwoeners van Hèrkebósj kènne trök nao hoes. Ouch de brandj in de Deurzer Pieël kump later op d'n daag ónger control.
• Duutsjlandj, Oesteriek en Zjwitserlandj: Norbert Blüm, veurmalig minister van Sociaal Zake, is op 84-jäörige laeftied gehiemeld.
• Kóns en cultuur: De Belzjen dj DJ Smos sjtörf op 53-jäörige laeftied aan 'nen hertsjtilsjtandj.
  (sjterfdaag ónbekèndj)

22 april

• Nederlands Limburg: 't Compleet dörp Hèrkebósj weurt oet veurzörg óntruump naodet 'ne natuurbrandj in De Meinweg zich sjterk haet oetgebreid.

21 april

• Nederlandj: De Nederlandse regering verlèngk de quarantainemaotraegele bis veurluipig 20 mei. Veur mènderjaorige waere ze versóppeld; zoe maoge basissjaole vanaaf 11 mei weer aop. Evenemènte waere bis 1 september gesjtreke; dit beteikentj ónger mie det Pinkpop definitief neet doorgeit en det de Ieredevisie neet weurt opgepak.

20 april

• Nederlandj/Nederlands Limbörg: In de Deurzer Pieël brik 'ne natuurbrandj oet, dae zal oetgreuje tot de groetste oets in Nederlandj.
• Economie: Es gevolg van zoewel de COVID-19-crisis es de productiekreeg tösje Róslandj en Saoedi-Arabië weurt e vaat Amerikaanse aerdaolie veur 'ne negatieve pries verhanjeldj.
• Midde-Oeste: In Israël vörmp de zittende premier Benjamin Netanyahu 'n noedcoaltie mit Benny Gantz. Hiemit kómp 'n èndj aan 'n lang politieke patsjtèlling.
• Sjport: De Belzje voetbalclub Sporting Lokeren weurt failliet verklaord.

19 april

• Naord-Amerika: Op versjillende plaatsje in Nova Scotia (Canada) sjöt 'ne man 22 willekäörige luuj doed. Hae weurt daonao zelf door de pelitie doedgesjote.

17 april

• Sjport: De Britse voetballer Norman Hunter, dae 28 kier in 't Èngels ilftal sjpäölde, sjtörf op 76-jäörige laeftied aan COVID-19.

15 april

• Kóns en cultuur: D'n Amerikaanse jazzsaxofonis Lee Konitz sjtörf op 92-jäörige laeftied aan COVID-19.

12 april

• Sjport: De Britsen autocoureur Stirling Moss sjtörf op 90-jäörige laeftied.

11 april

• Weitesjap: De Britse mattemetiker John Conway sjtörf op 82-jäörige laeftied.

10 april

• Kóns en cultuur: De Nederlandsen dichter Hans Verhagen sjtörf op 81-jäörige laeftied.
• Sjport: De Nederlandse voetballer Frits Flinkevleugel sjtörf op 80-jäörige laeftied.
• Kóns en cultuur: De Nederlandse pianis Louis van Dijk sjtörf op 78-jäörige laeftied aan de krenkde van Alzheimer.

8 april

• Vereinigde Sjtaote: Bernie Sanders trèk zich trök oet de verkezing veur de Democratische presidentskandidatuur. Dit beteikentj de facto det Joe Biden in november d'n Democratische presidentskandidaat weurt.
• Sjport: Zeve Belzje voetbalclubs, wo-ónger Standard Luuk, weurt de proflicentie óntzag. Es dit besjloet neet weurt herzeen, zalle dees clubs amateurvoetbal mótte gaon sjpaele. Racing Gènk is nog neet gans zaeker van licentie.

7 april

• Kóns en cultuur: D'n Amerikaanse folkzenger John Prine sjtörf op 73-jäörige laeftied aan COVID-19.

6 april

• Kóns en cultuur: De Britse actries Honor Blackman sjtörf op 94-jäörige laeftied.

5 april

• Sjport: Op d'n daag det de Runj van Vlaondere hej mótte plaatsvènje, weurt 'n 'virtueel runj' gevare, wobie de renners de lèste 32 kilometer op d'n hometrainer aafwirke. Greg Van Avermaet wintj dees óngebrukelike koers.

4 april

• Weitesjap: De Nederlandsen econoom Arnold Heertje sjtörf op 86-jäörige laeftied.

2 april

• Sjport: 't Belsj voetbalsezón weurt definitief beènjig. Club Brugge weurt oetgerope tot landskampión.

1 april

• Kóns en cultuur: D'n Amerikaanse jazzmuzikantj Ellis Marsalis jr. sjtörf op 85-jäörige laeftied aan COVID-19.
• Kóns en cultuur: D'n Amerikaanse rockmuzikantj Adam Schlesinger, fróntman van Foutains of Wayne, sjtörf op 52-jäörige laeftied aan COVID-19.

miert

31 miert

• Kóns en cultuur: D'n Amerikaanse jazztrompöttis Wallace Roney sjtörf op 59-jäörige laeftied aan COVID-19.

30 miert

• Sjport: De Nederlandse zjwumster Petra Hillenius sjtörf op 52-jäörige laeftied aan ALS.
• Belsj: De Belzjen dokter en politicus Dirk Van Duppen sjtörf op 63-jäörige laeftied aan de kanker.
• Kóns en cultuur: D'n Amerikaanse soulzenger Bill Withers sjtörf op 81-jäörige laeftied.

29 miert

• Kóns en cultuur: De Poolse componis Krzysztof Penderecki sjtörf op 86-jäörige laeftied.
• Frankriek: De Franse politicus Patrick Devedjian, dae ónger mie minister in de regering van Sarkozy waor, sjtörf op 75-jäörige laeftied aan COVID-19.
• Kóns en cultuur: D'n Amerikaanse muzikant en componis Alan Merrill, veural bekèndj van 't nómmer I love rock 'n' roll, sjtörf op 69-jäörige laeftied aan COVID-19.
• Kóns en cultuur: D'n Amerikaanse countryzenger Joe Diffie sjtörf op 61-jäörige laeftied aan COVID-19.

28 miert

• Zuud-Europa: Italië geit es ierste landj op de waereld de grens van 10.000 sjterfgevel aan COVID-19 veurbie.

27 miert

• Nederlandj, Kóns en cultuur: 't Succesvol tv-program De wereld draait door weurt veur de lèste kier oetgezónje.
• Naord Amerika: 't Amerikaans Hoes van Aafgevaerdigde sjtump in mit e noedpakkèt van 2 biljoen dollar. Dees astronomische som is gemeindj óm de daor de coronacrisis geraakde bedrieve te óngersjteune.
• Zuudoes-Europa: Naord-Macedonië kump es dertigste landj bie de NAVO.
• Kóns en cultuur: De Nederlandse sjriefster Carl Friedman sjtörf op 67-jäörige laeftied.

26 miert

• Naord-Amerika: De Vereinigde Sjtaote gaon China veurbie es 't landj mit de mieste COVID-19-besjmettinge.
• Sjport: De Franse voetballer en trainer Michel Hidalgo sjtörf op 87-jäörige laeftied.
• Sjport: De Nederlandse voetballer Peter Kemper sjtörf op 77-jäörige laeftied aan hertfale.
• Kóns en cultuur: D'n Amerikaansen acteur Mark Blum sjtörf op 69-jäörige laeftied aan COVID-19.

25 miert

• Sjport: Kees Bakker, de vreugere veurzitter vaan SBV Vitesse, sjtörf op 76-jäörige laeftied aan COVID-19.
• Kóns en cultuur: De Nederlandse zengeres Liesbeth List sjtörf op 78-jäörige laeftied.

24 miert

• Kóns en cultuur: De Franse sjprikteikenaer Albert Uderzo, veural bekèndj van Asterix, sjtörf op 92-jäörige laeftied.
• Kóns en cultuur: De Kameroens-Franse jazzmuzikantj Manu Dibango sjtörf op 86-jäörige laeftied aan COVID-19.
• Sjport: De Olympische Sjpaele waere definitief bis 2021 oetgesjtèldj. Versjillende NOC's, sjporters en regeringe hauwe dao al veur gevraog.
• Nederlandj: 't Kabinèt sjrap de èndjexames. Lierlinge die noe in de exameklas zitte, kriege e diploma op basis van sjaolexames.
• Kóns en cultuur: De Nederlandse componis en dirizjènt Gerard Schurmann sjtörf op 96-jäörige laeftied.

23 miert

• Nederlandj: De Nederlandse regering verbeujt alle opebaar biejeinkómste tot 1 juni. Ouch kriege gemeintes de beveugheid terrein aaf te sjlete en boetes oet te sjrieve.

22 miert

• Zuudoes-Europa: In Kroatië vèntj 'nen aerdsjóddel plaats mit 'n krach van 5,3 op de Memènt-Magnitudesjaol. De hoofsjtad Zagreb laog kortbie 't epicentrum; me melt einen doeje en väöl materieel sjaoj.
• Kóns en cultuur: Gabi Delgado, zenger van de NDW-gróp Deutsch Amerikanische Freundschaft (DAF), sjtörf op 61-jäörige laeftied.

21 miert

• Sjport: Lorenzo Sanz, de vreugere veurzitter van Real Madrid, sjtörf op 76-jäörige laeftied aan COVID-19.

20 miert

• Nederlandj: Martin van Rijn (PvdA) volg Bruno Bruins op es minister veur Medische Zörg. 't Is hiel bezunger det emes van 'n oppositiepartie es minister tot 't kabinèt toetreujt.
• Nederlandj: D'n Utrechsen tramsjötter Gökmen T. krieg laeveslank veur veer maorde en diverse poginge tot maord mit terroristisch motief.
• Kóns en cultuur: D'n Amerikaanse countryzenger Kenny Rogers sjtörf op 81-jäörige laeftied.

19 miert

• Oes-Azië: Veur 't iers saer 't begin van de pandemie waere in China gein nuuj besjmèttinge mit COVID-19 mie gemeldj.
• Nederlandj: Einen daag naodet hae in de Twiede Kamer neet good waort, treujt Bruno Bruins aaf es minister veur Medische Zörg en Sjport. Zien take waere waorgenómme daor Hugo de Jonge (Vouksgezóndjheid, Waalzeen en Sjport).

18 miert

• Sjport: D'n Amstel Gold Race 2020, gepland veur 19 aprèl, weurt in verband mèt de COVID-19-pandemie aofgelas.
• Kóns en cultuur: De vieftigste editie van 't Glastonbury-festival, geplandj veur èndj juni, weurt aafgelas. Ouch 't Songfestival weurt oetgesjtèld bis 2021.
• Weitesjap: 'n In 2000 in de Pietersberg opgegrave fossiel weurt besjreve es Asteriornis maastrichtiensis. 't Bliek 't ajdste fossiel vaan 'nen Hoondervogel en zoewiezoe ein vaan de ajdste oets vaan de modern veugel.
• Weitesjap: D'n Amerikaansen astronaut Alfred Worden, bemanningslid op de Apollo 15, sjtörf op 88-jäörige laeftied.

17 miert

• Sjport: 't Europees kampioensjap hierevoetbal 2020 weurt verplaats nao 2021. Dit hilt verbandj mit de COVID-19-pandemie. Meugelik kanne in de vriegekómmen tied de noe sjtilligkende nationaal competities waere aafgemaak. Óm logistieke raejes weurt noe 't Europees Kampioensjap damesvoetbal 2021 nao 2022 verplaats.
• Kóns en cultuur: De Belzjen acteur Johny Voners sjtörf op 74-jäörige laeftied aan de kanker.

16 miert

• Frankriek: De Franse presidentj Emmanuel Macron lèk 't landj wiedgaonde quarantainemaotraegele op, vergeliekbaar mit die in Italië en Sjpanje al gelle.
• Belsj, Nederlandj: keuning Filip sjprik 't volk toe in 't Belsj, en premier Rutte in Nederlandj. 'n Officieel toesjpraok van de premier aan gans 't volk waor saer de Oliecrisis van 1973 neet mie veurgekómme.

15 miert

• Kóns en cultuur: D'n Italiaansen arsjitek Vittorio Gregotti sjtörf op 92-jäörige laeftied aan COVID-19.
• Nederlandj: De regering deit noe ouch sjaole, horeca en sjportvereiniginge sjlete, baovenop de al iejer aangekunjigde maatraegele taege de COVID-19-pandemie. Daobie zal 't gans pakkèt zeker tot en mit 6 april blieve gelle, zès daag langer es iers gezag.
• Belsj: Naodet de vörming van 'n noedregering is mislök, krieg de regering-Wilmès veur zès maondj de volmach óm de COVID-crisis aan te pakke.
• Frankriek: In Frankriek vènje lokaal verkezinge plaats. 't Lök LREM, de partie van presidentj Macron, neet óm veut aan de gróndj te kriege.

14 miert

• Kóns en cultuur: De Britse muzikantj en conceptuele kónstenaer Genesis P-Orridge sjtörf op 70-jäörige laeftied.

12 miert

• Belsj: Op las van de regering gaon alle sjaole en horeca toe en waere peblieke evenemènte aafgelas. Dit deit me óm de versjpreiing van COVID-19 taege te gaon.

11 miert

• Vereinigde Sjtaote: Filmproducent Harvey Weinstein weurt tot 23 jaor gevangenis veroerdeild óm de aanrenjing en verkrachting van twie vrouwluuj.
• Nederlands Limburg: D'n TEFAF weurt veurtijeg aofgebroke in verband mèt besmettingsgevaor vaan 't nui coronavirus.
• Kóns en cultuur: D'n Amerikaanse componis Charles Wuorinen sjtörf opn 81-jäörige laeftied.

10 miert

• Nederlandj/Zuudoes-Azië: Keuning Willem-Alexander van de Nederlenj beujt op sjtaotsbezeuk in Indonesië excuses aan veur 't Nederlands geweld in de Politioneel Acties.

8 miert

• Zuud-Europa: De Italiaanse regering lègk wiedgaonde quarantainemaotraegele op aan diverse regio's in 't noorde. De maotraegele, die e kwart van de ganse bevolking treffe, zeen gemeindj óm de verbreiing van COVID-19 taege te gaon. De volgenden daag waere die maotraegele van krach in gans 't landj.
• Kóns en cultuur: De Zjwaedsen acteur Max von Sydow sjtörf op 90-jäörige laeftied.

6 miert

• Nederlandj: 'ne Man van 86 sjtörf es ierste Nederlanjer aan de nuuj krenkde COVID-19.
• Kóns en cultuur: D'n Amerikaanse jazzpianis McCoy Tyner sjtörf op 81-jäörige laeftied.

fibberwarie

29 fibberwarie

• Zuud-Azië: De Vereinigde Sjtaote en de Taliban teikene in Doha e vreidesakkaord. Dit veurzuut ónger mie drin det de internationaal tróppe zich binne de 18 maondj tröktrèkke.

28 fibberwarie

• Kóns en cultuur: De Nederlandse muzikantj Bob Fosko (Geert Timme) sjtörf op 64-jäörige laeftied.

27 fibberwarie

• Nederlandj: Veur 't iers weurt in Nederlandj e geval van 't nuuj coronavirus vasgesjtèld. De man, dae in 't zjwaor getroffe Lombardije is gewaes, is in quarantaine gezat.

25 fibberwarie

• Afrika: Hosni Moebarak, de vreugere presidentj van Egypte, sjtörf op 91-jäörige laeftied.

24 fibberwarie

• Duutsjlandj: In Volksmarsen (Hesse) veurt 'ne man in op 'ne vastelaovendsoptoch. 52 luuj rake lichter of zjwaorder gewóndj.
• Weitesjap: De Amerikaanse wiskónjige Katherine Johnson, die bie de NASA aan de ierste maonlanjing mitwirkde, sjtörf op 101-jäörige laeftied.
• Vereinigde Sjtaote: D'n Amerikaanse filmproducent Harvey Weinstein weurt sjöljig bevónge aan sommige van de aanklachte van seksueel misbroek die tege häöm zeen opgesjtèldj.

23 fibberwarie

• Nederland(s Limburg), Belsj (Limburg): Door Ellen, d'n derde wintersjtörm in korten tied, waere diverse vastelaovendsoptochte aafgelas of oetgesjtèld.

22 fibberwarie

• Sjport: De Brit Tyson Fury versjleit d'n Amerikaan Deontay Wilder in 'ne rematch óm de waereldtitel zjwaorgewich in 't bókse mit 'nen technische knock-out in de zaevende runj. 't Titelgevech in Las Vegas trok zier väöl publiciteit en mediabelangsjtèlling.

19 fibberwarie

• Duutsjlandj: In Hanau (Hesse) sjut 'ne man neuge luuj in 'ne shishabar doed, wonao hae zien moojer en zichzelf doedsjut. Me geit oet van e terroristisch, extreemrechs motief.
• Nederlandj: De Nederlandse politicus Jos van Kemenade sjtörf op 82-jäörige laeftied.
• Kóns en cultuur: D'n Amerikaanse rapper Pop Smoke weurt op 20-jäörige laeftied doedgesjote.

16 fibberwarie

• Sjport: De Nederlandse voetballer Barry Hulshoff, bekind vaan oonder mie AFC Ajax en MVV, störf op 73-jaorege leeftied.
• Sjport: Kim Clijsters maak in Dubai häöre rentree in 't professioneel tennis. Ze verluus in twie sets (6-3, 7-6 (8-6)) van Gabriñe Muguruza.

14 fibberwarie

• Kóns en cultuur: De Nederlandsen dirizjènt, pianis en componis Reinbert de Leeuw sjtörf op 81-jäörige laeftied.
• Sjport: De Canadees Graeme Fish pak es ierste neet-Nederlanjer 't waereldkampiónsjap op de 10 kilomaeter sjaatse en deit dat mit e nuuj waereldrecord (12.33,86).
• Sjport: Manchester City weurt óm 't euvertrejje van financieel raegele twie jaor lank van Europees voetbal oetgesjlote.

13 fibberwarie

• Sjport: De Nederlandse voetballer Carlo de Leeuw sjtörf op 59-jäörige laeftied aan kanker.

12 fibberwarie

• Nederlandj, Nederlands Limburg: In Kirchroa en Amsterdam óntploffe bómbreve, aafkumstig van 'ne aafpaersjer. De explosieve waore in bei gevalle nog neet bezörg.

9 fibberwarie

• Nederlands Limburg: In 'n manaesj in Heële brik 'ne brandj oet. Teen paerd kómme óm.
• Kóns en cultuur: Bie de 92e Academy Awards wintj de Zuud-Koreaanse film Gisaengchung ('Parasiet') van rezjisseur Bong Joon-ho es ierste neet-Èngelstalige film oets de pries veur bèste film. Joaquin Phoenix en Renée Zellweger waere tot bèste acteur en actries oetgerope.

8 fibberwarie

• Zuudoes-Azië: In e winkelcentrum in de Thaise sjtad Korat sjut 'ne militair zeker 26 börgers doed en verwundj minstens 52 angere. Commando's sjete häöm de volgende mörge zelf doed.
• Ierlandj: In Ierlandj vènje parlemèntsverkezinge plaats. Regeringspartie Fine Gael, oppositieleier Finna Fáil en 't radicaal-nationalistisch Sinn Féin kómme in de ierste exitpolls óngeveer geliek oet.

7 fibberwarie

• Nederlandj, Zuud-Amerika: Krimmeneel Saïd R., dae èng in verbandj weurt gebrach mit Ridouan T., weurt in Colombia gearresteerd.
• Nederlands Limburg, Kóns en cultuur: 't Oet Zöstere aafkumstig duo Spik & Span wint de 44e editie van 't LVK mit 't nómmer Vrunj tot de allerleste runj. Dit is de veerde kieër det zie 't LVK winne.
• Sjport: Roger Federer en Rafael Nadal sjpaele in 't Cape Town Stadium in Kaapsjtad 'ne benefietmatch veur 48.000 luuj - e bezeukersrecord veur 'nen tennismatch. Federer wint in drei sets (6-4, 3-6, 6-3).
• Weitesjap, Oes-Azië: De Chinesen dokter Li Wenliang, dae es ierste waorsjoewde veur 't nuuj coronavirus, sjtörf op 33-jäörige laeftied aan de bewöste krenkde.

5 fibberwarie

• Vereinigde Sjtaote: De daor Rippeblikeine gedomineerde Senaat sjtump in miejerheid taege aafzètting van presidentj Trump.
• Kóns en cultuur: D'n Amerikaansen acteur Kirk Douglas sjtörf op 103-jäörige laeftied.
• Duutsjlandj: Thomas Kemmenich (FDP) weurt mit sjteun van de CDU en de rechspopulistische AfD premier van Thuringe. Óm de sjteun van die lèste partie óntsjteit direk ónras.

4 fibberwarie

• Belsj: 'ne Belsj dae oet Wuhan is gerepatrieerd bliek besjmet mit 't nuuj coronavirus. Hae is in quarantain gezat.
• Afrika: De vreugere Keniaanse presidentj Daniel arap Moi sjtörf op 95-jäörige laeftied.

2 fibberwarie

• Sjport: Mathieu van der Poel wint 't waereldkampiónsjap cyclocross bie de mansluuj. In 'n zeldzaam demonsjtratie van euvermach zèt hae d'n iersvolgende op 1 menuut en 20 secónde.
• Sjport: De Serviër Novak Đoković wint al veur d'n achste kier de Australian Open bie de mansluuj daor d'n Oesterieker Dominic Thiem in vief sets (6–4, 4–6, 2–6, 6–3, 6–4) te versjlaon.
• Sjport: De Kansas City Chiefs winne de 54e editie van de Super Bowl daor de San Francisco 49ers mit 31-20 te versjlaon. Veur de Chiefs is 't d'n ierste Super Bowl saer 1970.

1 fibberwarie

• Kóns en cultuur: Andy Gill, gitaris van de Britse postpunkband Gang of Four, sjtörf op 64-jäörige laeftied aan 'n ademhaolingskrenkde.
• Sjport: De Amerikaanse Sofia Kenin wint de Australian Open bie de vrouwlui daor in drie sets (4–6, 6–2, 6–2) aaf te raekene mit de Sjpaanse Gabriñe Muguruza.

jannewarie

31 jannewarie

• Belsj: In de zaak-Tine Nys waere dokter Joris Van Hove, 'nen hoesdokter en 'ne psychiater vriegesjpraoke van maord. Van Hove hauw in 2010 euthanasie doon plaege op de chronisch depressief Tine Nys.
• Vereinig Keuninkriek, Europa: 't Vereinig Keuninkriek verliet es ierste zelfsjtendige sjtaot oets de Europese Unie, naodet de kezers in 2016 mit e rifferendum daotoe hauwe besjlaote.
• Kóns en cultuur: De Amerikaanse sjriefster van misdaodromans Mary Higgins Clark sjtörf op 92-jäörige laeftied.

27 jannewarie

• Belsj: Emeritus-keuning Albèr II van 't Belsj guuf toe det Delphine Boël zien biologische dochter is.
• Zuud-Azië: In Afghanistan sjort 'n Amerikaans militair vleegmesjien denaer. E verbandj mit de Taliban weurt óngerzoch.
• Nederlands Limburg, Kóns en cultuur: De Mestreechse voukszenger Johnny Blenco, pseudoniem van Jef Vriezelaar, sjtörf op 81-jäörige laeftied.

26 jannewarie

• Sjport: D'n Amerikaanse basketballer Kobe Bryant kump op 41-jäörige laeftied óm in 'nen helikoptercrash.
• Kóns en cultuur: Bie de 62e oetreiking van de Grammy Awards sjleip Billie Eilish de pries veur bèste nujen arties, leedje van 't jaor, opname van 't jaor, album van 't jaor en bèste popsolo-oetveuring. Ouch häör broor Finneas O'Connell (häöre producer) krieg vief prieze.

24 jannewarie

• Sjport: De Nederlandse motorcoureur Edwin Straver sjtörf op 48-jäörige laeftied aan de gevolge van 'ne val in de Dakarrally.
• Weitesjap: Óngerzeukers van de Université Libre de Bruxelles make de vónds bekèndj van 't audste macroscopisch fossiel van 'ne käöm. 't Wortelechtig fossiel is tösje de 715 en 810 miljoen jaor aud.
• Frankriek: In Frankriek duke twie gevalle van de nuuj lóngkrenkde 2019-nCoV op. Dit zeen de ierste gevalle in Europa.
• Sjport: De Nederlandse voetballer Rob Rensenbrink sjtörf op 72-jäörige laeftied aan PSMA.

23 jannewarie

• Afrika: De Angolese zakevrouw Isabel dos Santos, bekèndj es de 'riekste vrouw van Afrika', weurt aangeklaog veur fraude en witwesje.
• Wikimedia: D'n Èngelstalige Wikipedia bereik 't aantal van zès miljoen artikele.

22 jannewarie

• Nederlands Limburg: De pelitie begint 'n zeukactie op 'ne kèrkef in Heugem. Hei zouw 't liek vaan de in 1993 verdwene Tanja Groen kinne begrave ligke. De actie lievert evels niks op.

21 jannewarie

• Vereinigde Sjtaote: De Amerikaanse gezóndjheidsautoriteit CDC maak bekèndj det 'nen inwoener van Seattle de nuuj krenkde 2019-nCoV haet opgeloupe. Dit is 't ierste geval boete Azië.
• Kóns en cultuur: De Britse kemik Terry Jones, lid van 't Monty Python-gezelsjap, sjtörf op 77-jäörige laeftied aan de gevolge van primair progressief afasie.

19 jannewarie

• Kóns en cultuur: D'n Amerikaanse jazzsaxofonis Jimmy Heath sjtörf op 93-jäörige laeftied.
• Sjport: De Nederlandsen ex-profvoetbaler Chris de Wagt sjtörf op 34-jäörige laeftied aan de kanker.

18 jannewarie

• Vereinig Keuninkriek: Prins Harry en zien vrouw Prinses Meghan trèkke zich trök oet 't Brit Keuninklik Hoes. Ze laote de titel Keuninklike Hoegheid valle en zalle de Keuningin neet mie formeel vertrejje.

17 jannewarie

• Sjport: De Sjpanjool Carlos Sainz sr. wint de Dakarrally bie de auto's, en d'n Amerikaan Ricky Brabec bie de moters.

16 jannewarie

• Kóns en cultuur: Christopher Tolkien, editeur en voltoejer van 't werk van ziene pap J.R.R. Tolkien, sjtörf op 95-jäörige laeftied.

15 jannewarie

• Wikimedia: Nao bekans drie jaor weurt in Turkieë d'n toegank tot Wikipedia hersjtèld. De richter had in december de blokkaasj vernetig.

12 jannewarie

• Sjport: De Portugese motorcoureur Paulo Gonçalves veróngelök bie de Dakarrally.
• Kóns en cultuur: De Nederlandsen acteur Aart Staartjes sjtörf op 81-jäörige laeftied aan de gevolge van 'n aanvaring.
• Vereinig Keuninkriek: De Britse politieke filosoof Roger Scruton sjtörf op 75-jäörige laeftied.

10 jannewarie

• Kóns en cultuur: De Belzjen acteur Werther Vander Sarren sjtörf op 78-jäörige laeftied.
• Midde-Oeste: Sultan Qaboes van Oman sjtörf op 79-jäörige laeftied. Hae haet 't landj vieftig jaor geregeerd en weurt opgevolg door de 65-jäörigen Haitham.

9 jannewarie

• Kóns en cultuur: De Nederlandsen deejay Tom Mulder sjtörf op 72-jäörige laeftied.
• Nederlandj: De Nederlandse politicus Rudolf de Korte (VVD) sjtörf op 83-jäörige laeftied.

8 jannewarie

• Midde-Oeste: Es vergeljing veur d'n aanval op ziene generaal vuurt Iran rakètte aaf op Amerikaanse bases in Irak.
• Midde-Oeste: 'n Oekraïens vleegmesjien sjtort denaer kortbie Teheran. Alle 176 inzittende kómme óm, 't groetste deil zeen Iraanse sjtaotsbörgers. Later blik 't mesjien bie óngelök door lochaafwaergesjöt te zeen naergehaold.

7 jannewarie

• Kóns en cultuur: De Amerikaanse sjriefster Elizabeth Wurtzel sjtörf op 52-jäörige laeftied aan boorskanker.
• Kóns en cultuur: De Canadesen drummer Neil Peart sjtörf op 67-jäörige laeftied aan harrekanker.

6 jannewarie

• Economie: De Belzje zakeman en óngernummer Philip Cracco sjtörf op 56-jäörige laeftied aan de kanker.
• Vereinig Keuninkriek/Zuudoes-Azië: D'n Indonesische serieverkrachter Reynhard Sinaga weurt in 't Vereinig Keuninkriek sjöldig bevónge aan 159 seksueel misdrieve en tot laeveslang gevangenissjtraof veroerdeild. Hae is de groetste serieverkrachter oet de Britse rechshistorie.

3 jannewarie

• Midde-Oeste: D'n Iraanse ginneraal Qasem Soleimani kump op 62-jäörige laeftied óm in 'n actie van de Amerikaanse lochmach. Heer vaor in e konvooj bie 't vleegveld van Baghdad.
• Weitesjap: Amerikaanse gelierde make bekèndj det 't op Venus actief völkane gief.

1 jannewarie

• Duutsjlandj: In de zoo van Krieëvel (Krefeld) brentj 'n apeverblief oet, dènkelik nao contak mit 'ne wunsjballon. Bekans alle ape kómme óm, allein twie chimpansees weiten 't te euverleve.
• Nederlandj: In 'ne flat in Ernem weurt brandj gesjtich. 'ne Man van 38 en zien döchterke van veer kómme óm; twie jónge van 12 en 13 waere opgepak.

2019

december

28 december

• Afrika: In de Somalische huidsjtad Mogadishu geit 'n autobom aaf. Zeker 61 luuj kómme óm, bekans hóngerd waere gewóndj nao 't hospitaal gebrach.

27 december

• Centraal-Azië: E Kazachs vleegmesjien op waeg van Almaty nao Noersoeltan sjtort kort nao 't opsjtiege denaer. Zaeker 12 luuj kómme óm.
• Kóns en cultuur: De Belzje zenger Marc Liénart van Lidth de Jeude, baeter bekèndj es Art Sullivan, sjtörf op 69-jäörige laeftied aan alvleiskleerkanker.

26 december

• Kóns en cultuur: De Amerikaanse actries Sue Lyon sjtörf op 73-jäörige laeftied.

24 december

• Nederlands Limburg: De servers vaan de Universiteit Mestreech rake besmet mèt ransomware. Heidoor rake de computersysteme vaan de universiteit twie weke gans of deils oonbruukbaar.
• Nederlandj: Nuujslaezer Fred Emmer sjtörf op 85-jäörige laeftied.
• Belsj Limburg: In Bree, bie de krusing van d'n Hameterwaeg en de Sjportlaon, kómme 'n vrouw en häör dochter óm in 'n auto-óngelök. Ómdet 't al 't teende óngelök in e jaor waor, nump de Vlaamse gewesregering zich väör dao get aan te doon.

22 december

• Kóns en cultuur: De Britsen acteur Tony Britton sjtörf op 95-jäörige laeftied.
• Kóns en cultuur: De Franse modeóntwerper Emanuel Ungaro sjtörf op 86-jäörige laeftied.

21 december

• Sjport: 'ne Rematch óm de waereldtitel kickbókse tösje Rico Verhoeven en Badr Hari in 't GelreDome ènjig mit 'n blesuur en opgaaf van Hari. Mit 31.000 toesjoewers braok de match e publicitair record.

19 december

• Kóns en cultuur: De Nederlandsen dichter Jules Deelder sjtörf op 75-jäörige laeftied.
• Kóns en cultuur: De Belzjen acteur, oteur en kènner van 't Gents Freek Neirynck sjtörf op 70-jäörige laeftied.
• Kóns en cultuur: De Moferter Pieter Zeelen, zenger en gitaris vanne Thunders störf op 75-jäörige laeftied.

18 december

• Vereinigde Sjtaote: 't Hoes van Aafgevaerdigde sjtump veur aafzètting van presidentj Donald Trump. Aanleiing waor de Oekraïne-affair.
• Nederlandj: Sjtaotssecretair van Financië Menno Snel (D66) treujt aaf nao 'n affair róndj kènjertoesjlaag.

16 december

• Nederlandj, Midde-Oeste: Ridouan T., groete naom in d'n Amsterdamse 'mocromafia' en de miesgezochde krimmeneel vaan Nederland, weurt in Dubai gearresteerd.

14 december

• Kóns en cultuur: De Belzje kónstenaer Henri Van Herwegen, baeter bekèndj es Panamarenko, störf op 79-jäörige laeftied.

13 december

• Belsj, Kóns en cultuur: De UNESCO haolt de vastelaovendj in Aalst vaan de Waereldèrfgoodlies, ómdet 't de getuinde sjpot te wied vèntj gaon.

12 december

• Vereinig Keuninkriek: Bie verkezinge veur 't Liegerhoes haolt de Conservatief Partie van de zittende premier Boris Johnson 'n absolute mierderheid van 364 op 650 zetele.

11 december

• Naord-Europa, Natuur en milieu: De Zjwaedse klimaatactiviste Greta Thunberg weurt oetgerope tot Persoen van 't Jaor daor 't blaad Time. Mit häör zèsteen jaor is ze de jónkste oets die daen titel óntvènk.
• Oceanië: De inwoeners van 't eilandj Bougainville keze mit 'n euverweljigende mierderheid van bekans 98% veur ónaafhenkelikheid van Papoea-Nuuj-Guinea. 't Rifferendum is neet bènjend.

9 december

• Nederlands Limburg: De ENCI maak bekind ind juli 2020 touw te goon.
• Belsj (Limburg): Vaajer en zoon Appeltans, Hoeiseltse kamerverhuurders in Leuve, waere aangehawwe op verdènking van 't verhure van ónbewoenbaar kamers.

8 december

• Kóns en cultuur: D'n Amerikaanse rapper Juice Wrld sjtörf op 21-jäörige laeftied.

4 december

• Nederlands Limburg: 't Broodfebrik van Mission Foods in Remunj brent oet. De ómgaeving waert óntruump óm explosiegevaor.

3 december

• Kóns en cultuur: De Zuud-Koreaanse popzenger Cha In-ha sjtörf op 27-jäörige laeftied.

1 december

• Kóns en cultuur: De Letsen dirizjènt Mariss Jansons sjtörf op 76-jäörige laeftied.

november

29 november

• Zuud-Amerika: De Surinaamse president Desi Bouterse weurt tot 20 jaor gevangenissjtraof veroerdeild.

28 november

• Sjport: De Nederlandse vreugere voetballer en voetbaltrainer Pim Verbeek sjtörf op 63-jäörige laeftied.

27 november

• Kóns en cultuur: D'n Taiwanees-Canadesen acteur en model Godfrey Gao sjtörf op 35-jäörige laeftied aan euververmeujing.
• Kóns en cultuur: De Britse buunrezjisseur Jonathan Miller sjtörf op 85-jäörige laeftied aan de gevolge van Alzheimer.

26 november

• Zuud-Europa, Natuur en milieu: In Albanië gebäört 'ne zjwaoren aerdsjóddel. Zoe'n 50 luuj kómme óm.

24 november

• Oes-Azië: In Hong Kong waere verkezinge gehawwe. Nao maonjelang relle euver Chinese inminging is de opkóms bezunger hoeg.
• Kóns en cultuur: De Zuud-Koreaanse popsjtaar Goo Hara weurt doed in häör appartemènt gevónge.

22 november

• Belsj: De Belzje journalis en sjriever Gaston Durnez sjtörf op 91-jäörige laeftied.

20 november

• Vereinig Keuninkriek: Prins Andrew van 't Vereinig Keuninkriek lèk zien peblieke take naer naodet hae in verbandj is gebrach mit e misbruuksjendal róndj Jeffrey Epstein.

17 november

• Sjport: Max Verstappen wint de Grand Prix van Brazielje. 't Is al zien achste euverwinning in de Formule 1.

13 november

• Sjport: De Franse fietsrenner Raymond Poulidor sjtörf op 83-jäörige laeftied.

11 november

• Kóns en cultuur: De Belzje actries Paula Sleyp sjtörf op 88-jäörige laeftied.

10 november

• Belsj Limburg: In e toekómstig asielzeukerscentrum in Groeëte-Spaan weurt brandj gesjtich.
• Zuud-Amerika: Nao waeke van proteste treujt Evo Morales aaf es presidentj van Bolivia. Hae liet de presidentsverkezinge euverdoon; senatries Jeanine Áñez weurt presidentj a.i.
• Zuud-Europa: In Sjpanje waere obbenuujs parlemèntsverkezinge gehauwe, naodet de veurige gein regering voortbrachte. Ouch noe blieve de sociaal-democrate de groetste, allewel de rechse partieje wel winne.

8 november

• Kóns en cultuur: De Britse fotograaf Robert Freeman sjtörf op 82-jäörige laeftied.

7 november

• Kóns en cultuur: De Mestreechse, op 't Belsj wèrkende zengeres en stripteasedanseres Zwarte Lola (Annie Heuts) störf op 90-jaorege leeftied.

4 november

• Nederlandj, Kóns en cultuur: De kathelieke Gooj Herderkirk in Hoogmade (gemeinte Kaag en Braassem, ZH) brentj nao 'n óngelök bie hersjtèlwerke gans oet.

3 november

• Sjport: Lewis Hamilton haolt mit 'n twiede plaots op de Grand Prix van de Vereinigde Sjtaote zien zèsde wereldtitel in de Formule 1 binne.

2 november

• Sjport: 't Waereldkampiónsjap rugby ènjig mit 'n euverwinning veur Zuud-Afrika, wat in de finaal mit 12-32 van Èngelandj wintj.

oktober

30 oktober

• Wikimedia: Op de Limbörgse Wikinews weurt 't doezendste artikel gesjreve.
• Sjport: D'r Heëleheisje amateurkloeb RKSV Groene Ster wint in d'r KNVB-bekker va VVV-Venlo noa penanties.
• Politiek, Naord-Amerika, Wes-Azië: 't Amerikans Lagerhoes erkènt mit 'n groete mierderheid de genocide op de Armeniërs.

29 oktober

• Kóns en cultuur: De Nederlandse prizzentator Kees Driehuis sjtörf op 67-jäörige laeftied.

28 oktober

• Europa: De EU gief de Britte bis 31 jannewarie 2020 oetsjtèl óm de Brexit te voltrèkke.
• Nederlands Limburg: In ónger mie Egelze en Rooj waere invel gedaon bie 'n benj van toebakssjmókkelaere. De benj hanjelde veur miljónne in roukwaar.

27 oktober

• Midde-Oeste: Aboe Bakr al-Baghdadi, de veurman van terreurbewaeging IS, kump in Syrië óm bie 'n actie van Amerikaanse commando's.
• Belsj: Charles Michel lègk zien functie es premier denaer, Sophie Wilmès volg häöm op. Zie weurt de ierste vrouwlike premier van 't Belsj.

26 oktober

• Kóns en cultuur: D'n Amerikaanse rezjisseur Robert Evans sjtörf op 89-jäörige laeftied.

22 oktober

• Sjport: De Belzje wheelster Marieke Vervoort, die twie kier goud won op de Paralympische Sjpaele, liet op 40-jäörige laeftied euthanasie plaege.

18 oktober

• Belsj Limburg: De Lommelse ex-sjepe Anick Berghmans weurt tot zès maondj gevangenis en zeve jaor óntzègking van häör börgerrechte óm de plófkraak boe ze in 2018 bie betrokke waor.

17 oktober

• Vereinig Keuninkriek, Europa: 't Vereinig Keuninkriek en de EU bereike e nuuj Brexit-akkaord. Ómdet 't de goodkäöring van coalitiepartie DUP mis, is 't aevel ónzaeker of 't akkaord weurt aangenome.

14 oktober

• Politiek, Zuud-Europa: 't Perces taege neuge Catalaanse politici die in 2017 e rifferendum oetsjreve en de ónaafhenkelikheid oetrepe waere veroerdeild tot sjtraofe bis dertien jaor.
• Economie: De Nobelpries in de Economie geit nao d'n Indiër Abhijit Banerjee, de Franse Esther Duflo en d'n Amerikaan Michael Kremer "veur häör experimentelen aanpak in 't verlichte vaan de waereldwiej ermooj."

13 oktober

• Sjport: De Keniaanse Brigid Kosgei löp e nuuj waereldrecord op de marathon van Chicago: 2:14:04.
• Kóns en cultuur: De Nederlandse componis Theo Verbey begeit op 60-jäörige laeftied zelfmaord.

12 oktober

• Sjport: De Keniaan Eliud Kipchoge löp in Wene es ierste minsj 'ne marathon in minder es twie oer (1:59:40). De IAAU erkèntj d'n tied aevel neet.

11 oktober

• Politiek, Afrika: De Nobelpries veur de Vrei geit nao d'n Ethiopische premier Abiy Ahmed Ali, óm zien insjpanninge veur vrei mit Eritrea.

10 oktober

• Kóns en cultuur: De Nobelpries in de Literatuur weurt toegekèndj aan d'n Oesterieker Peter Handke "veur 'n invloodriek oeuvre wat mit talig vakmansjap de periferie en de gerichheid van de minsjeleke ervaring haet verkèndj." Tegeliek weurt ouch verlaat de pries veur 2018 bekèndjgemaak: dae geit nao de Poolse Olga Tokarczuk "veur 'nen beeldende vertèltrant dae mit encyclopedische passie 't euversjtaeke van grenze es 'ne vörm van laeve weergief.

9 oktober

• Weitesjap: De Nobelpries in de Sjeikónde geit nao d'n Amerikaan John B. Goodenough, de Brit M. Stanley Whittingham en de Japanees Akira Yoshino "óm de óntwikkeling van lithium-ioneaccu's.
• Duutsjlandj: 'ne Rechsextremis plaeg in Halle (Saale) 'nen aansjlaag op 'n synagoog wo zjus 'n vering veur Jom Kippoer plaatsjvèntj. Twie luuj kómme óm.
• Midde-Oeste: Turkieë begintj 'n invasie in 't naorde van Syrië óm de Koerdische laegers dao te bekampe.

8 oktober

• Weitesjap: De Nobelpries in de Natuurkónde geit nao de Canadees James Peebles, de Zjwitsers Michel Mayor en Didier Queloz "veur biedrage aan ós begrip van de evolutie van 't universum en de Aerd häör plaats in 't hielal."

7 oktober

• Nederlandj: De Nederlandse politica Ella Vogelaar begeit op 69-jäörige laeftied zelfmaord.
• Weitesjap: De Nobelpries in de Genaeskónde geit nao d'n Amerikaan William G. Kaelin jr., de Brit Peter J. Ratcliffe en d'n Amerikaan Gregg L. Semenza "óm häör óntdèkkinge van wie celle zoersjtof aanveule en zich dao-aan aanpasse."

6 oktober

• Kóns en cultuur: De Britsen drummer Ginger Baker sjtörf op 80-jäörige laeftied.

5 oktober

• Sjport, Nederlands Limburg: D'r Mexicaansje investeerder Mauricio Garcia de la Vega numt noa jroeëse proteste van de fans Roda JC nit uvver.
• Sjport: De Nederlandse Sifan Hassen haolt häör twiede medalje op 't WK atletiek, deze kier op de 1500 maeter.
• Nederlandj, Politiek: De Nederlandse politicus en óngernummer Henry Keizer sjtörf op 58-jäörige laeftied.

2 oktober

• Belsj: In Vlaandere weurt de regering-Jambon beëidig. Ze sjteunt op 'n coalitie van N-VA, Open Vld en CD&V.

september

30 september

• Kóns en cultuur: De Amerikaanse operazengeres Jessye Norman sjtörf op 74-jäörige laeftied aan de gevolge van 'n dwerslaesie.

29 september

• Duutsjlandj, Oesteriek en Zjwitserlandj: In Oesteriek zeen parlemèntsverkezinge. De rechspopulistische FPÖ verluus henjig, de ÖVP blief de groetste.
• Sjport: D'n Daen Mads Pedersen weurt waereldkampión fietsrenne bie de mansluuj.

28 september

• Belsj Limburg: D'n derby tösje STVV en Racing Gènk weurt bie 'ne sjtandj van 3-3 gesjtaak wienie hooligans van Gènk dreige 't veld op te kómme.
• Sjport: De Nederlandse Annemiek van Vleuten weurt waereldkampión fietsrenne bie de vrouwluuj.
• Sjport: De Nederlandse Sifan Hassan haolt op 't WK atletiek goud op de 10.000 maeter renne.
• Sjport: Nyck de Vries weurt es ierste Nederlanjer kampión in de Formule 2.

27 september

• Nederlandj: D'n Hoege Raod verbeujt per direk rouke in de horeca. Dit beteikent det ouch de roukruumdes, die bis noe waore toegesjtange, neet mie maoge.
• Sjport, Nederlands Limburg: Supporters va Roda JC zetse de Mexicaanse jesjefsman Mauricio Garcia de la Vega 't sjtadion oes. Garcia wilt d'r kloeb uvvernumme mar heë wurd i verbank jebraad mit versjiede malafide transaksijoene.

26 september

• Frankriek: De gewaeze Franse presidentj Jacques Chirac sjtörf op 86-jäörige laeftied.

24 september

• Groet-Brittannië en Ierlandj: De Britsen Hoeggerichshaof verklaort 't opsjorte van 't Parlemènt daor premier Boris Johnson óngeljig.

20 september

• Belsj Limburg: De UHasselt óntsjleit professer Lode Vereeck (ikkenomie en beleidsmanagement) óm óngepas gedraag.

19 september

• Naord-Afrika: Zine El Abendine Ben Ali, de vreugeren dictator van Tunesië, sjtörf op 83-jäörige laeftied.
• Sjport: De Belzje vreugere fietsrenner en ploogaanveurder Frans Van Looy begeit op 69-jäörige laeftied zelfmaord.

18 september

• Sjport: De Nederlands-Limburgse voetballer Fernando Ricksen sjtörf op 43-jäörige laeftied aan ALS.
• Nederlandj: De Nederlandsen avvekaat Derk Wiersum weurt op 44-jäörige laeftied op sjtraot doedgesjote. Wiersum waor d'n avvekaat van Nabil B., kroengetuge in de Amsterdamse liquidatiezaak.
• Nederlandj, Sjport: In Amsterdam vèntj nog 'n twiede sjeetpartie plaatsj. De man dae hiebie ómkump bliek ex-profvoetballer Kelvin Maynard te zeen.

17 september

• Midde-Oeste: In Israel zeen veur d'n twiede kier in e jaor parlemèntsverkezinge, naodet de ierste neet tot de vörming van 'n regering leide.

15 september

• Sjport: De Sjloveen Primož Roglič wintj de 74e editie van de Runj van Sjpanje.

14 september

• Midde-Oeste: 'nen Aanval mit drones op twie olie-insjtallaties in de Saoedische provincie Boegjah lègk e groet deil van de Saoedische olieproductie sjtil.

13 september

• Belsj: In Wallonië weurt de regering-Di Rupo beëidig, die sjteunt op 'n coalitie van PS, MR en Ecolo.
• Kóns en cultuur: D'n Hongaarse sjriever György Konrad sjtörf op 86-jäörige laeftied.

12 september

• Sjport: De Belsj-Limbörgse tennisster Kim Clijsters kunjig häören trökkier in de sjport aan.

11 september

• Zuudoes-Azië: B.J. Habibie, presidentj van Indonesië van 1998 bis 1999, sjtörf op 83-jäörige laeftied.
• Kóns en cultuur: D'n Amerikaanse zenger-sjriever Daniel Johnston sjtörf op 58-jäörige laeftied aan 'nen attak.

8 september

• Sjport: Rafael Nadal wintj bie de mansluuj de US Open daor in vief sets (7-5, 6-3, 5-7, 4-6, 6-4) te winne van Daniil Medvedev.

7 september

• Sjport: Bianca Andreescu versjleit in de finales van de US Open de zèsvawdige winneres Serena Williams (6-3, 7-5) en pak daomit häören ierste grand slamtitel.
• Weitesjap: Vikram, de lanjer van de Indiase maonmissie Chandrayaan-2, maak 'n mislökde lanjing op de zuudpool van de maon. 't Tuug weurt es verlaore gezeen.

6 september

• Afrika: Robert Mugabe, de vreugere presidentj van Zimbabwe, sjtörf op 95-jäörige laeftied.
• Kuns en cultuur: De Nederlanjer Bernard Haitink (90) dirizjeert in Luzern mit de Wiener Philharmoniker zien alderlèste konzaer.

5 september

• Italië: 't Links kabinèt-Conte II weurt ingezjwaore.

4 september

• Groet-Brittannië en Ierlandj: 't Brits Liegerhoes nump 'n wèt aan die 'ne Brexit zónger akkaord verbeujt. Ouch sjtump ze taege nuuj verkezinge. Allebei zeen dit zjwaor naerlage veur premier Boris Johnson.
• Oes-Azië: De Hong Kongse regering van Carrie Lam trèk de Oetlieveringswèt trök die 't meugelik maak gevangene zónger mie aan de centraal Chinese regering oet te lievere. De wèt haet de aafgeloupe maonje veur enorm proteste gezörg.

1 september

• Natuur en milieu, Naord-Amerika: Orkaan Dorian kump bie de Bahama's aan landj. Hae zal dao diverse doeje eise en enorm matterjeel sjaoj aanrichte.

augustus

31 augustus

• Sjport: De Franse Formule 2-coureur Antoine Hubert kump óm bie 'ne zjwaore crash op 't circuit van Spa-Francorchamps.

30 augustus

• Belsj Limburg: Bie Punch Powertrain in Sintruin verdwiene 188 jobs.

28 augustus

• Vereinig Keuninkriek: Premier Boris Johnson liet keuningin Elizabeth II 't Liegerhoes sjorse tot 14 oktober. Dit zal de meugelikhede veur 't Parlemènt óm get aan 'ne Brexit te doon sjterk vermènjere.

20 augustus

• Zuud-Europa: Nao waeke van regeringscrisis beujt d'n Italiaanse premier Giuseppe Conte zien óntsjlaag aan. Hae lègk de sjöld van de crisis bie de extreemrechse Lega Nord.

19 augustus

• Nederlands Limburg: In Stein weigert 'ne böschauffeur 'n vrouw mit nikab d'n toegank tot zien bös. 't Is veur 't iers saer de inveuring van 't verbod op gezichsbedèkking det dit gebäört.

16 augustus

• Nederlandj: De Nederlandse prinses Christina van Lippe-Bisterfeld sjtörf op 72-jäörige laeftied.
• Sjport: D'n Italiaanse fietsrenner Felice Gimondi sjtörf op 76-jäörige laeftied naodet hae bie 't zjwumme neet good weurt.
• Kóns en cultuur: D'n Amerikaansen acteur Peter Fonda sjtörf op 77-jäörige laeftied aan longkanker.

15 augustus

• Kóns en cultuur: De Nederlandse sjriefster Laura Maaskant sjtörf op 25-jäörige laeftied aan de kanker.

14 augustus

• Sjport: Liverpool F.C. wintj de Europese Supercup daor Chelsea F.C. nao penanties te versjlaon.

10 augustus

• Europa: 'ne Groeten tornado trèk euver e deil dörper in Luxemburg. De sjaaj is aanzeenlik: bie väöl hoezer waere de daker d'raaf gerete door de wèndj. Tientalle luuj zint gewóndj geraak.
• Vereinigde Sjtaote, Economie: D'n Amerikaanse financeer Jeffrey Epstein, opgesjlaote op verdènking van seksueel misbroek, hingk zich op 66-jäörige laeftied op in zien cel.

5 augustus

• Sjport: De Belzje fietsrenner Bjorg Lambrecht sjtörf op 22-jäörige laeftied nao 'ne val in de Runj van Pole.
• Kóns en cultuur: De Amerikaanse sjriefster Toni Morrison sjtörf op 88-jäörige laeftied.

4 augustus

• Zuudoes-Azië: De Cambodjaanse politicus Nuon Chea, ideoloog van de Roej Khmer, sjtörf op 93-jäörige laeftied.

3 augustus

• Sjport: De Belsj Remco Evenepoel wint de Clásica San Sebastián en weurt daomit de jóngste winner oets in de UCI WorldTour.
• Naord-Amerika: Pedro Pierluisi treujt aan es gouvernäör van Puerto Rico. Hae vervèngk Ricardo Rosselló Nevares, dae nao massaal proteste mós opsjtappe.
• Naord-Amerika: In El Paso (TX) sjut 'ne man óm zich haer. Miejer luuj kómme óm of rake gewóndj.

juli

31 juli

• Kóns en cultuur: D'n Amerikaanse musical-producèntj Hal Prince sjtörf op 91-jäörige laeftied.

29 juli

• Zuudoes-Azië: Indonesië kónjig de verplaatsjing van zien huidsjtad nao Borneo aan.
• Kóns en cultuur: D'n Amerikaanse vlogger The King of Random (Grant Thompson) sjtörf op 38-jäörige laeftied nao 'n óngelök.

28 juli

• Sjport: De Colombiaan Egan Bernal wintj de 106e Runj van Frankriek. Hae is d'n ierste Zuud-Amerikaan waem det lök.
• Sjport: Max Verstappen wintj de Groete Pries van Duutsjlandj.
• Sjport: De Nederlandsen hónkballer Loek van Mil sjtörf op 34-jäörige laeftied. Details waere neet gegaeve.

27 juli

• Sjport: In de sjtried óm de Johan Cruijffsjaol wintj Ajax mit 2-0 van PSV.
• Sjport: De Surinaams-Nederlandse voetballer Humphrey Mijnals, d'n ierste Surinamer dae veur 't Nederlands èlftal sjpaelde, sjtörf op 88-jäörige laeftied.

25 juli

• Afrika: De (zittende) presidentj van Tunesië Beji Caid Essebsi sjtörf op 92-jäörige laeftied.
• Natuur en milieu: Einen daag later waere in 't Belsj en Nederlandj al nuuj wermderecords gevèstig: In Kleine-Briegel weurt 't 40,6°C, in Gilze-Rijen 40,7°C.
• Kóns en cultuur: De Nederlandse cellis Anner Bijlsma sjtörf op 85-jäörige laeftied.

24 juli

• Natuur en milieu: In Angleur weurt mit 40,2°C 't Belsj hitterecord mit aafsjtandj gebraoke. Ouch in Kleine-Briegel weurt 't mit 39,9°C extreem werm. Óngerwiel weurt 't in Nederlandj ouch wermer es oets: in Èndjhaove mit me 39,3°C op.
• Naord-Amerika: Ricardo Roselló, de gouvernäör van Puerto Rico, kónjig nao massaal proteste aan det hae per 2 augustus zal vertrèkke.

23 juli

• Vereinig Keuninkriek: Boris Johnson weurt verkaoze tot leier van de Conservatief Partie en zal zodaonde Theresa May es premier opvolge.

21 juli

• Oes-Europa, politiek: Bei verkezinge in de Oekraïne weëd de nui partei Sluha Narodu (Bedeende van 't Volk) van prizzedentskandidaat Zelensky de groeëtste.

20 juli

• Sjport: KRC Genk wintj mit 3-0 van KV Mechelen in de match óm de Belzje Super Cup.

19 juli

• Sjport: Marianne Vos wintj de zèsde editie van La Course. 't Is veur häör d'n twiede kier det ze dees koers op häöre naam sjrief.
• Sjport: Algerieë pak d'n Africa Cup daor in 't finaal mit 1-0 van Senegal te winne.
• Kóns en cultuur: De Nederlandsen acteur Rutger Hauer sjtörf op 75-jäörige laeftied.

18 juli

• Oes-Azië: Bie 'nen aansjlaag mit 'ne brandjbom op 'n animatiesjtudio in Kyoto kómme 33 luuj óm 't laeve.
• Kóns en cultuur: D'n Amerikaansen acteur David Hedison sjtörf op 92-jäörige laeftied.

17 juli

• Kóns en cultuur: D'n Italiaansen detectivesjriever Andrea Camillieri sjtörf op 93-jäörige laeftied.
• Sjport: De Belzje voetbalcoach Robert Waseige sjtörf op 79-jäörige laeftied.

16 juli

• Belsj Limburg, Nederlandj: In gelaekde documènte van de NATO bliek veur 't iers mit zaekerheid det 't atoombomme gief op de basis van Kleine-Briegel, Volkel (NB) en nog diverse anger Europese bases.
• Nederlands Limburg: Op de A73 is e zjwaor óngelök gebäörd. 'ne Vrachwage is ter huugde van Brach op 'ne persoenenauto gevare. Daobie is 'n vrouwmis, die in dae wage zoot, óm 't laeve gekómme. Ouch raakde twie manskaerels gewóndj.

15 juli

• Sjport: D'n Amerikaanse bókser Pernell Whitaker kump op 55-jäörige laeftied óm in e verkiersóngelök.

14 juli

• Sjport: De Nederlandse Annemiek van Vleuten wintj veur d'n twiede kier de Giro Rosa.
• Sjport: De Serviër Novak Đoković wintj Wimbledon bie de mansluuj daor de Zjwitser Roger Federer in vief sets (7-6 (5), 1-6, 7-6 (4), 4-6, 12-12 (3)) te versjlaon. 't Is d'n ierste kier det op Wimbledon d'n tiebreak in de viefde set weurt toegepas.
• Sjport: Èngelandj wintj veur d'n ierste kier in de historie 't Waereldkampiónsjap Cricket daor Nuuj-Zielandj in de 'superover' te versjlaon.
• Zuud-Azië: Hoessein Mohammed Ershad, van 1981 bis 1990 dictator van Bangladesh, sjtörf op 89-jäörige laeftied.

13 juli

• Sjport: De Roemeense Simona Halep versjleit de Amerikaanse Serena Williams in twie sets (6-2, 6-2) en wintj daomit veur d'n ierste kier Wimbledon.

11 juli

• Belsj: Kris Van Dijck (N-VA) nump nao diverse sjendale óntsjlaag es veurzitter van 't Vlaoms Parlemènt. Hiemit weurt Filip Dewinter van 't Vlaams Belang veurzitter a.i.; 'n unicum in de Vlaamse en Belzje politiek.

10 juli

• Nederlands Limburg: I Kirchroa wuuërt ing 42-jöarieje vrouw neërjesjtoche duur inne 52-jöarige man. Heë zouw ing jesjtiechte es tbs'er habe en al vruier ing anger vrouw habe vermoard.
• Kóns en cultuur: De Italiaanse actries Valentina Cortese sjtörf op 96-jäörige laeftied.

9 juli

• Vereinigde Sjtaote: D'n Amerikaanse zakeman en veurmaolige ónaafhenkelike presidentjskandidaat Ross Perot sjtörf op 89-jäörige laeftied.
• Zuud-Europa: Bie de Greekse parlementsverkezinge wintj de rechs-conservatief partie Nea Dimokratia mit bekans 40% van de sjtumme. Kyriakos Mitsotakis weurt de nuje premier. Hae volg Alexis Tsipras vanne linkspopulistische SYRIZA op. Dees partie verloor hendig, mer is nog de twiede in 't landj.

7 juli

• Sjport: De Vereinigde Sjtaote winne 't Waereldkampiónsjap damesvoetbal 2019 daor in de finaal mit 2-0 van Nederlandj te winne. Hiemit pak 't team al ziene veerde waereldtitel.
• Zuudoes-Europa: De centrumrechse partie Nea Dimokratia wintj de parlemèntsverkezinge in Grekelandj en versjleit daomit de regerende Syrizapartie van premier Alexis Tsipras.
• Sjport: Brazilië wintj de Copa América daor in 't finaal Peru mit 3-1 te versjlaon. 't Is al de neugende kier det 't landj deze pries pak.
• Sjport: Mexico pak de wins in de CONCACAF Gold Cup daor mit 1-0 de finaal te winne van de Vereinigde Sjtaote.
• Sjport: De Nederlandse judoka Kim Akker kump op 22-jäörige laeftie dóm bie 'n gaasexplosie.

6 juli

• Belsj Limburg: 'nen Oto veurt in op 'ne kaffee in Kotsoeve, mit vief doeje tot gevolg. Ónger hun is STVV-sjpaeler Mo Nitcheu.
• Sjport: De 106e Runj van Frankriek geit van sjtart in Brussel. Mike Teunissen wintj de rit en weurt zoedaonde d'n ierste Nederlanjer saer 1989 in de Gaelen Trieko.
• Kóns en cultuur: De Braziliaanse muzikantj João Gilberto, 'ne gróndjlègker van de bossa nova, sjtörf op 88-jäörige laeftied.

5 juli

• Natuur en milieu: In Californië vèntj 'nen aerdsjóddel mit 'n krach van 7,1 op de MM-sjaol plaats. Angerhauven daag ieder gaof 't al 'ne veursjóddel van 6,4.

4 juli

• Nederlandj: D'n tribbenaal van Amsterdam veroerdeilt Willem Holleeder tot 'n laeveslang gevangenissjtraof veur de liquidatie van veer anger krimmenele en ein poging daotoe.

2 juli

• Europa: Charles Michel weurt beneump tot veurzitter van d'n Europese Raod, en Ursula von der Leyen weurt gekandideerd es veurzitter van de Europese Commissie. Frans Timmermans löp dae lèsten job, daen 'r gaere wouw höbbe, daomit mis.

1 juli

• Kóns en cultuur: D'n Emiratische mode-óntwerper Chalid al-Qasimi, ouch kroenprins van 't emiraat Sjardzjah, sjtörf daor nog ónbekènden oerzaak op 39-jäörige laeftied.

juni

30 juni

• Sjport: De Zjwitserse voetbalster Florijana Ismaili verdrink op 24-jäörige laeftied in 't Comomaer.
• Sjport: Max Verstappen wintj de Groete Pries van Oesteriek.

28 juni

• Kóns en cultuur, Belsj Limburg: Hiphopfestival Vestiville in Lommel weurt op 't alderlèste memènt aafgeblaoze nao 'groete probleme mit de infrasjtructuur'.

26 juni

• Weitesjap: De Limburger, De Groene Amsterdammer en Investico make bekind tot twie wetensjappers aon de Universiteit Mestreech in 2008 veur tiendoezende respectievelek hoonderddoezende euro's gefraudeerd höbbe. De universiteit heet dit toen touwgedèk.

24 juni

• Sjport: Nao drie daag voltoejt marathonzjwummer Maarten van der Weijden de Èlfsjteidetoch. Hae is, nao 'n mislökde poging veurig jaor, d'n ierste minsj waem dat zjwummentaere lök.

23 juni

• Zuudoes-Europa: Bie herverkezing wintj obbenuujts de oppositiekandidaat Ekrem İmamoğlu 't börgemeistersjap van Istanbul. De AK-partie van presidentj Erdoğan hauw op hersjtumming aangedrónge.

22 juni

• Afrika: In de Ethiopische regio Amhara vèntj 'n couppoging plaats, woe regiopresidentj Ambachew Mekonnen en chef-sjtaaf Se'are Mekonnen bie ómkómme.
• Nederlands Limburg: Beej 'n explosie in Heie zien vreejdaagaovend twieë manskaerels gewónd geraak. Eine van hen haet aan de óntploffing zwaor brandwónde aan 't baovelief euvergehalde.

21 juni

• Kóns en cultuur: De Belzje actries Nora Tilley sjtörf op 67-jäörige laeftied. Ze hauw ALS en haet euthanasie laote plaege.

19 juni

• Kóns en cultuur: De Fransen dj en producent Philippe Zdar sjtörf op 52-jäörige laeftied nao 'ne val oet de vènster.
• Kóns en cultuur: D'n Amerikaanse YouTuber Etika verdwient en weurt vief daag laoter trökgevónge. Kènnelik haet hae zelfmaord geplaeg.

17 juni

• Kóns en cultuur: De Amerikaanse actries en óntwerpster Gloria Vanderbilt sjtörf op 95-jäörige laeftied.
• Afrika: Mohamed Morsi, de gewaeze presidentj van Egypte, sjtörf naodet hae in d'n tribbenaal neet good weurt.

16 juni

• Belsj Limburg: In Bilze weurt opnuuj gesjtump veur de gemeinteraod naodet de verkezinge van oktober veurig jaor óngeljig zeen verklaord. Vlaams Belang is de groete winner.
• Zuud-Amerika: In gans Argentinië en Uruguay, groete deile van Paraguay en 't zuje van Brazilië vilt de sjtroum oerelank oet.

15 juni

• Kóns en cultuur: D'n Italiaanse rezjisseur Franco Zeffirelli sjtörf op 96-jäörige laeftied.
• Oes-Azië: Nao aanhauwende massaproteste sjort de regering van Hong Kong ónger Carrie Lam de Oetlieveringswèt mit China veur ónbepaolden tied op.
• Kóns en cultuur: Mit e kónzaer in 't Concertgebouw in Amsterdam beènjig de 90-jäörige Nederlandsen dirizjènt Bernard Haitink zien carrièr.

13 juni

• Sjport: De Toronto Rapters winne es ierste Canadese basketbalclub oets de NBA daor in de best of seven mit 4-2 de Golden State Warriors te versjlaon.

12 juni

• Belsj, politiek: De gewaeze sjtaotssecretair en veurzitter van de Senaat Armand De Decker sjtörf op 70-jäörige laeftied.

11 juni

• Sjport: Op 't Waereldkampioensjap vrouwevootbal winne de Vereinigde Sjtaote mit 'ne recordoetsjlaag van 13-0 van Thailandj.

9 juni

• Sjport: Portugal weurt d'n ierste kampioen van de UEFA Nations League daor mit 1-0 van Nederlandj te winne.

7 juni

• Sjport: In Paries begèntj 't Wereldkampioensjap damesvoetbal 2019.

6 juni

• Kóns en cultuur: D'n Amerikaanse bluesmuzikantj dr. John sjtörf op 77-jäörige laeftied aan 'nen hertaanval.

5 juni

• Nederlands Limburg, natuur en milieu: De zjwaor sjore höbbe op mierder plaatse in Limburg veur euverlas en sjaaj gezörg. Hölpdeenste zien tieëntalle kiere in aksie gekómme. Veural veur ömgeweide buim. In sommige deile van de provincie bleef 't aevel röstig.

4 juni

• Nederlands Limburg: 'ne Manskael is goonsdigaovend in Baoksem opgepak gewaore, ómdet hae mit metse op sjtraot leep. Det deeg hae meugelik nao 'n ruizing mit zeen naobers.

3 juni

• Duutsjlandj: CDU-politicus Walter Lübcke weurt vermaord, dènkelik daor 'nen extreemrechsen activis.

2 juni

• Sjport: D'n Ecuadoraan Richard Carapaz wintj de 102e editie van de Runj van Italië.
• Sjport: De Britse, in Nederlandj wirkende vootbaltrainer Barry Hughes sjtörf op 81-jäörige laeftied.

1 juni

• Sjport: Liverpool F.C. wèntj de UEFA Champions League daor 't finaal mit 0-2 van Tottenham Hotspur te winne.
• Sjport: De Sjpaanse voetballer José Antonio Reyes kump op 35-jäörige laeftied óm in 'n auto-óngelök.
• Nederlands Limburg: In Mestreech is de brandweer zaoterdagmiddag nao Plein 1992 oetgerök veur 'ne brand in 'n parkeergraasj oonder 't plein. Dao stoonde mierder auto's in brand. Wieväöl is evels neet dudelek.

mei

31 mei

• Nederlands Limburg: In Mestreech is 'ne maan vaanaof de Wilhelminabrögk in de Maos gesprónge. Heer is later euverleje in 't hospitaol.
• Nederlands Limburg: 't Hoofkerteer van de NAVO in Broensem hat 'ne nuie commandant. D'r Dütsje ginneraal Erhard Bühler numt 't sjtekske uëver van d'r Itteljiender Riccardo Marchiò.

29 mei

• Nederlands Limburg: Krankehoes Zuyderland i Heële en Zitterd-Geleën hat uëver 't joar 2018 e positief rizzeltaat van tieën miljoeën euro gebook. Alle bedriefsóngerdele noteerde gouw siefere.
• Nederlands Limburg: 'ne 46-jöarige manskeël oet Gebrook weëd veroerdild tot 'n celsjtroaf van twelf joare. Heë hat óp d'r 2 augus vurrig joar 'ne 49-jöarige plaatsjgenoat neergesjoate óp de Oakersjtroat-Noard.
• Nederlands Limburg: De celstraof veur de moord op pelitie-infiltrant Guido Kosterman in Mestreech in 2012 blijf gehandhaaf. Wel weurt de straof vaan 24 jaor get verkort nao 23 jaor en 3 maonde.
• Nederlands Limburg: Op 'ne veldwaeg oppe Ruiver zien goonsdigochtend tieëntalle vate mit drugsaafval gevónde.

28 mei

• Oes-Azië: Inne Japanse sjtad Kawasaki, kórtbie Tokio, sjtik 'ne manskael in op 'n gróp sjoelkinger. Twie luuj vinge d'n doed, viefteen anger luuj raakde gewóndj.

27 mei

• Kóns en cultuur: De Belsj-Franse sjriever François Weyergans sjtörf op 77-jäörige laeftied.
• Nederlands Limburg: In 'n woeënóng i Kirchroa weëd 'ne leëfloze körper jevónge.

26 mei

• Politiek, Europa: In de mieste EU-lenj zeen Europese verkezinge. De rechs-populiste en greune winne euver 't algemein. Nederlandj, wat op 23 mei al haet gesjtump, is hie-op 'n oetzunjering.
• Politiek, Belsj: Op 't Belsj waere ouch gewesteleke en federaal verkezinge gehauwe. In Vlaondere is 'ne mónsterwins veur 't rechs-populistisch Vlaams Belang, dewiel Wallonië zjus verlinks en de marxistische PTB henjig deit greuje.

24 mei

• Politiek, Vereinig Keuninkriek: Premier Theresa May kunjig häör aafsjeid per 7 juni as. aan. 't Is häör neet gelök häör veurnaamste taak, 't in gooj baone veure van de Brexit, tot e good èndj te bringe.

23 mei

• Zuud-Azië: De parlemèntsverkezinge in India zeen gewónne door de partie van de zittende premier Narendra Modi.

22 mei

• Nederlandj, economie: Oet óngerzeuk van Atlas voor Gemeenten bliek det de zujelike sjtaej, in 't bezunjer inne provincie Limburg, aantrekkeliker waere, es barrières veur wirke euver de grens wegvalle. Veural 't aantal potentieel bane zal dan hel sjtiege.
• Nederlands Limburg, natuur en milieu: Oet 'n óngerzeuk vanne NRC bliek det e febrik op 't terrein van Chemelot, ierhaer DSM, in Gelaen veur jaore lang lachgaas in industriële vorm haet oetgesjtoete. 't Bedrief zelf haet dit besjtaetig.

21 mei

• Nederlandj: Sjtaotssikkertair Mark Harbers van Justitie treujt aaf nao e sjendal róndj e misleiend rapport.

20 mei

• Sjport: D'n Oesterieksen autocoureur Niki Lauda sjtörf op 70-jäörige laeftied.

19 mei

• Kóns en cultuur: HBO zentj de lèste aaflievering van Game of Thrones oet.

18 mei

• Duutsjlandj, Zjwitserlandj en Oesteriek: De regering van Oesteriek vilt nao e sjendal róndj vicepremier Heinz-Christian Strache (FPÖ), dae zich veur de verborge camera ómkoupbaar had getuindj.
• Kóns en cultuur: Duncan Laurence wintj veur Nederlandj 't Eurovisie Songfestival mit 't leedje "Arcade". 't Is veur 't iers saer 1975 det dit landj 't festival wintj.

17 mei

• Oes-Azië: 't Parlemènt van Taiwan es ierste landj in Azië nump 'n wèt aan die 't homohoewelik meugelik maak. De wèt zal op 24 mei van krach waere.
• Kuns en cultuur: De Nederlandsen acteur Peer Mascini sjtörf op 78-jäörige laeftied.
• Belsj: De Vlaomse regering maak e nuuj plan veur oetbreiing van de have van Antwerpe. 't Dörp Doel kan in dit scenario blieve besjtaon.

16 mei

• Sjport: Racing Genk weurt kampión van 't Belsj. 't 1-1 gelieksjpael taege RSC Anderlecht is daor e verlees van Club Brugge bie Standard Luuk genóg veur d'n titel.
• Kuns en cultuur: De Chinees-Amerikaansen arsjitek Ieoh Ming Pei sjtörf op 102-jäörige laeftied.

15 mei

• Sjport: Tom Dumoulin stap aof in de Runde vaan Italië nao einen daag zwoer te zien gevalle.
• Sjport: AFC Ajax weurt veur de 34e kier kampión van Nederlandj daor mit 1-4 van BV De Graafschap te winne.

14 mei

• Sjport: De organisatie achter de Formule 1 maak bekèndj det in 2020 weer 'ne Grand Prix in Zandvoort geit waere gehauwte.

13 mei

• Kóns en cultuur: De Amerikaanse actries en zengeres Doris Day sjtörf op 97-jäörige laeftied.

11 mei

• Sjport: De Runj van Italië geit van sjtart mit 'nen tiedrit in Bologna.

7 mei

• Nederlands Limburg: Op de Broensemerhei waere 'ne man en 'n vrouw ómgebrach.

6 mei

• Kóns en cultuur: D'n Tunesisch-Amerikaanse modeóntwerper Max Azria sjtörf op 70-jäörige laeftied aan lóngkanker.

5 mei

• Sjport: AFC Ajax wintj veur d'n ierste kier saer 2010 de KNVB-baeker veur mansluuj daor Willem II mit 0-4 te versjlaon.
• Kuns en cultuur: De Belzje radiodeejay Cristophe Lambrecht sjtörf op 48-jäörige laeftied.

1 mei

• Oes-Azië: Einen daag nao d'n troensaafsjtandj van ziene vaajer weurt kroenprins Naruhito tot keizer gekroendj. De naam van ziene regeertied weurt Reiwa.
• Sjport: Twiedeklasser KV Mechelen wintj d'n NVB-baeker daor mit 1-2 van KAA Gent te winne.

april

30 april

• Oes-Azië: Akihito deit aafsjtandj es keizer van Japan.

29 april

• Zuudoes-Azië: Presidentj Joko Widodo besjlis det de huidsjtad van Indonesië verplaatsj geit waere.
• Kuns en cultuur: D'n Amerikaanse rezjisseur John Singleton sjtörf op 51-jäörige laeftied aan 'n bereurte.

28 april

• Zuud-Europa: Bie parlemèntsverkezinge in Sjpanje weurt de sociaaldemocratische PSOE de groetste partie.
• Sjport: D'n Deen Jakob Fuglsang wintj Luuk-Bastenake-Luuk bie de mansluuj, en de Nederlandse Annemiek van Vleuten bie de vrouwluuj.
• Vereinigde Sjtaote: Bie 'n sjeetepartie op 'n synagoog in San Diego vilt einen doeje en zeker drie gewónje. D'n daojer haet extreemrechse motieve.
• Nederlands Limburg: De Sint-Martinuskerk in Venlo wuurt officieel tot basiliek geproclameerd. Zeej is daomei de zevende kerk in Limburg die tot basiliek wuurt verhaeve.

26 april

• Sjport: De Nederlandse fietsrenner Robbert de Greef sjtörf op 27-jäörige laeftied. Hae laog al 'ne maondj in coma nao 'nen attak.

25 april

• Kóns en cultuur: Me maak de vónds bekèndj van diverse manuscripte van Anthony Burgess. Hie-ónger is The clockwork condition, 'n ónvoltoejd commentair op A clockwork orange, en diverse korte verhaole.

24 april

• Sjport: De Fransoos Julian Alaphilippe wintj de Welsje Piel bie de mansluuj, en de Nederlandse Anna van der Breggen bie de vrouwluuj.

23 april

• Belsj en Luxemburg: De vreugere groethertog Jean vaan Luxemburg sjtörf op 98-jäörige laeftied.
• Nederlandj: De Nederlandse politicus Johan Witteveen (VVD), ex-minister van Financië en ex-veurzitter van 't IMF, sjtörf op 97-jäörige laeftied.
• Sjport: Ronnie O'Sullivan, viefvaudig waereldkampión snooker, weurt op 't WK oetgesjakeld daor amateursjpaeler James Cahill.

22 april

• Nederlandj: Op de A1 ter huugde van Deventer kómme veer luuj óm 't laeve bie 'n ernstig óngelök.
• Nederlands Limburg: Inne Maas ter huugde van Maes weurt e lichaam aangetróffe. 't Is ónbekindj of 't óm 'ne man of 'n vrouw geit en of de persoen door e misdrief óm 't laeve is gekómme.
• Sjport: FC Twente sjpäölt geliek taege Jónk AZ en weurt kampión van de Ierste Devisie 2018/19. Hiemit kiert 't nao ei jaor weer trök nao de Ieredevisie.
• Afrika: 't Egyptisch volk käört 'n gróndjwètsverangering good die presidentj Abdel Fatah as-Sisi zier oetgebreide mach gief. Neet mènjer es 88,83% van de kezers sjtumde veur.
• Kóns en cultuur: De Britse operazengeres Heather Harper sjtörf op 88-jäörige laeftied.

21 april

• Zuud-Azië: Bie aansjlaeg op drie kirke en drie hotels in Sri Lanka kómme minstens 321 luuj óm, zoe'n 500 raken 'rs gewóndj.
• Sjport: De Amstel Gold Race 2019 weurt bie de mansluuj gewonne door de Nederlander Mathieu van der Poel, en bie de vrouluuj weurt door de Poolse Katarzyna Niewiadoma.
• Oes-Europa: Volodymyr Zelenski wintj presidentsverkezinge in de Oekraïne. Volgens exitpolls haet hae in de twiede runj zoeget 73,2% van de sjtumme gehaold.
• Nederlands Limburg: In e appartement in Wiert weurt 'nen doeje man aangetróffe. In zeen woening is 'ne brandj oetgebraoke.

20 april

• Afrika: In Egypte begintj e rifferendum euver 'n verangering van de gróndjwèt die presidentj Abdel Fatah as-Sisi mie mach mót gaeve. 't Zal drie daag doere.
• Zuudoes-Azië, Natuur en milieu: De Vereinigde Sjtaote beginne aon de sanering van 'n auw lochmachbasis oet de Vietnamkreeg bie Ho Chi Minhsjtad. Op en róndj de basis bevintj zich väöl van 't giftig ónblaojermiddel Agent Orange.

19 april

• Sjport: De Belzje fietsrenner Patrick Sercu sjtörf op 74-jäörige laeftied.
• Afrika: De Malinese regering van premier Soumeylou Boubeye Maiga sjtap op nao aanleijing van de sjlachting in Ogossagou de veurige maondj.

18 april

• Vereinig Keuninkriek: Journaliste Lyra McKee weurt in Londonderry vermaord daor 'ne pro-Iersen extremis.

17 april

• Zuud-Europa: Op 't vakantie-eilandj Madeira kómme 29 Duutsje toeriste óm 't laeve bie 'n óngelök mit 'nen touringcar.
• Zuud-Amerika: Alan García, de vreugere presidentj van Peru dae in verbandj weurt gebrach mit 'n corruptiezaak, begeit op 69-jäörige laeftied zelfmaord daor zich denaer te sjete.
• Nederlands Limburg: 't Centrum vaan Mestreech weurt geraak door 'ne groete stroumoetval.
• Kuns en cultuur: De Nederlandse rezjisseur Pieter Verhoeff sjtörf op 81-jäörige laeftied.

16 april

• Afrika: Op 't Kivumaer veur de kös van oestelik Congo-Kinshasa vergeit 'ne veerpóntj. Mie es hóngerd luuj zeen ómgekómme of waere vermis.
• Kuns en cultuur: D'n Oesteriekse pianis Jörg Demus sjtörf op 90-jäörige laeftied.

15 april

• Nederlands Limburg: In 'nen toen in De Milsbaek waere mier es zestig granate gevónde.
• Frankriek, Kuns en cultuur: De Pariese Notre Dame brentj oet. Allein de boetemör en de twie klokketores blieve gesjpaord.

14 april

• Afrika: D'n opsjtenjige Libische ginneraal Chalifa Haftar begintj 'nen aanval op Tripoli.
• Sjport: Philippe Gilbert wintj de 177e editie van Paries-Roubaix.
• Sjport: Tiger Woods wintj 't Masterstoernooj. Dit is zien ierste belankrieke euverwinning in ilf jaor.
• Naord-Europa, Politiek: De Sociaaldemocratische Partie wintj de Finse parlemèntsverkezinge, èng veur de rechspopulistische Finnepartie.

12 april

• Afrika: Generaol Awad ibn Auf, dae einen daag ieder presidentj Bashir aafzat, treujt nao daorgaonde proteste zelf aaf. Hae gief de regering daor aan 'nen angere generaal, Abdel Fattah Abdelrahman Burhan.
• Kuns en cultuur: De Nederlandsen acteur Gaston van Erven sjtörf op 75-jäörige laeftied.

11 april

• Europa: De EU gief 't Vereinig Keuninkriek bis 31 oktober d'n tied veur de Brexit.
• Zuud-Azië: In India beginne parlemèntsverkezinge, die vief waeke gaon doere.
• Afrika: Nao waekelang proteste weurt presidentj Omar al-Bashir van Soedan in 'ne coup aafgezat.
• Nederlandj: De Nederlandse journalis Max van Weezel sjtörf op 67-jäörige laeftied aan alvleisklierkanker.
• Vereinig Keuninkriek: D'n Australischen activis Julian Assange weurt nao jaore van zelfverkaoze ballingsjap in Lonje gearresteerd.
• Weitesjap: Beresjiet, de maonlanjer van Israël zie ruumdevaartprogram, sjtort denaer op de maon.

10 april

• Weitesjap: E team astronome wirkend bie de Event Horizon Telescope maak 'ne foto van de gaaswolk róndj e zjwart look in Messier 87. Dit is d'n ierste foto oets van e zjwart laok.
• Weitesjap: Óngerzeukers kunjige de vónds van 'n nuuj fossiel minsesoort in de Filipiene aan, d'n Homo luzonensis.

9 april

• Midde-Oeste: De zittende premier Benjamin Netanyahu wintj de verkezinge in Israël. Zien Likoedpartie krieg zjus get mie sjtumme es de Blauwwitte Partie van Benny Gantz.

7 april

• Sjport: D'n Italiaan Alberto Bettiol wintj de Runj van Vlaondere.
• Sjport: De Keniaan Marius Kipserem wintj de marathon van Rotterdam. Zienen tied van 2:04:11 is e parcoursrecord.
• Sjport: De Universiteit van Cambridge wintj de Boat Race op de Theems.

6 april

• Nederlands Limburg: Bij 'ne brand in Hotel Beaumont in Mestreech kump eine mins um.
• Sjport: Tiger Roll, beriejd door jockey Davy Russell, wintj d'n 172e Grand National. Dezelfde combinatie won in 2018 ouch al.

3 april

• Belsj: De Nigeriaanse, in Schaarbeek wirkende horemadam Esoke U. weurt tot teen jaor gevangenis veroerdeild.

2 april

• Afrika: Abdelaziz Bouteflika sjtap mit ónmiddelliken ingank op es presidentj van Algerieë. Hae haet 't landj 20 jaor geregeerd.

miert

31 miert

• Oes-Europa: In de ierste runj van de presidentjsverkezinge in de Oekraïne gaon de zittende presidentj Petro Porosjenko en zienen oetdager Volodymyr Zelenski daor. Ex-premier Joelija Timosjenko, langen tied favoriete, haolt de twiede runj neet. De twiede runj is op 21 april.
• Zuudoes-Azië: Brunei veurt de doedsjtraof door sjteiniging in veur homoseksueel handelinge en euversjpel.

30 miert

• Midde-Europa: Bie presidentjsverkezinge in Sjlowakieë weurt de linkse Zuzana Čaputová tot presidentj gekoze. Zie weurt de ierste vrouw in 't landj die dat amb bekleit.

29 miert

• Vereinig Keuninkriek: 't Brits Liegerhoes sjtump veur d'n daarde kier taege 't Brexitplan van premier Theresa May. De kans weurt noe groeter det 't landj op 12 april zónger akkaord de EU verliet.
• Kuns en cultuur: De Belsj-Franse rezjisseus Agnès Varda sjtörf op 90-jäörige laeftied.
• Natuur en milieu: In 'ne viever in Dordrech weurt 'ne pappegejduker gezeen. 't Is oetzunjerlik dat de vogel zich zoe deep in Nederlandj vertuint.

27 miert

• Kuns en cultuur: De Britse muzikante Stephen Fitzpatrick en Audun Laading, die same 't indieduo Her's vörme, kómme óm bie 'n auto-óngelök.

25 miert

• Kuns en cultuur: D'n Amerikaanse rockmuzikantj Scott Walker, bekèndj van de Walker Brothers zoewie van zie solowerk, sjtörf op 76-jäörige laeftied.

24 miert

• Nederlands Limburg: Beej 'n óngelök op de N271 in Wel zien dreej luuj um 't laeve gekómme.

23 miert

• Midde-Oeste: De Syrische Democratische Tróppe melle de val van Baghoez, de lèste plaatsj die nog in han van IS waor. Hiemit is zelf oetgerope kalifaat van de terreurgróp definitief gevalle.
• Sjport: Julian Alaphillippe wintj de 110e editie van Milaan-San Remo.
• Nederlands Limburg: E stök vaan de Mestreechse walmör bij 't Sint-Pietersbolwerk vèlt in. De moer is recintelek nog gerestaureerd.

22 miert

• Nederlandj: De Nederlandse politicus Frans Andriessen sjtörf op 89-jäörige laeftied.

21 miert

• Belsj: Mehrnaz Didgar weurt tot vief jaor gevangenis veroerdeild óm 't vermaorde van häör dochter.

20 miert

• Nederlandj: Bie de verkezinge veur de Provinciaal Sjtaote en de watersjappe is 't rechs FvD de groete winner.

19 miert

• Weitesjap: De Amerikaanse Karen Uhlenbeck krieg es ierste vrouw oets d'n Abelpries, 'ne prestigieuze wiskóndepries.
• Sjport: De Sjloveense renner Primož Roglič wintj d'n Tirreno-Adriatico.

18 miert

• Nederlandj: Bie 'n sjeetpartie in d'n Utrechse wiek Kanaleneiland kómme drie luuj óm en rake 'rs vief gewóndj. E terroristisch motief weurt neet oetgesjlote.
• Belsj: In Antwerpe weurt 'nen auto mit 'ne granaat opgeblaoze. 'ne Saortgelieken attak volg de nach dao-op. Allebei de aansjlaeg waere in verbandj gebrach mit 'ne benjekreeg in 't Antwerps drugsmilieu.

17 miert

• Kuns en cultuur: D'n Amerikaanse rhythm & blueszenger Andre Williams sjtörf op 82-jäörige laeftied aan dermkaanker.

16 miert

• Nederlands Limburg: De Riekseuverheid haet 't Limburgs erkènd es 'n officieel regionaal sjpraok.
• Kuns en cultuur: D'n Amerikaanse surfgitaris Dick Dale sjtörf op 81-jäörige laeftied.

15 miert

• Oceanië: Bie aansjlaeg op twie moskeeë in de Nuuj-Zielandjse sjtad Christchurch kómme 49 luuj óm.

14 miert

• Belsj: Kardinaal en emeritus-aartsbisjop Godfried Danneels sjtörf op 85-jäörige laeftied.

13 miert

• Nederlands Limburg: De rechbank in Remund haet 't verzeuk aafgeweze öm eine van twieë verdachte van de maord op de 22-jäörige Omer Köksal oet Blierik vrie te laote.
• Sjport: Drievaudig Olympisch zjwumkampioen Andrea Pollack sjtörf op 57-jäörige laeftied aan kanker.
  (sjterfdaag ónbekèndj)

12 miert

• Vereinig Keuninkriek: 't Brits Liegerhoes sjtump ouch de aangepasde euvereinkóms euver 't Brits vertrèk oet de EU eweg.
• Belsj: Mehdi Nemmouche, huidverdachte van de terreuraansjlaeg in Brussel op 22 miert 2016, weurt veroerdeild tot 'n laeveslang gevangenissjtraof. Ziene mitdaojer Nacer Bendrer krieg 15 jaor opgelag.

10 miert

• Afrika: Vlöch ET 302 van Addis Abeba nao Nairobi sjtort denaer baove Bishoftu (Ethiopië). Alle 157 inzittende kómme óm.
• Belsj: De Frans-Algeriense, in 't Belsj actieve beroopskrimmeneel Farid Bamouhammad, biegenaamp 'Farid le Fou', sjtörf op 51-jäörige laeftied.
• Nederlandj: De Nederlandse militair Hans Couzy sjtörf op 78-jäörige laeftied.

8 miert

• Kuns en cultuur: D'n Duutsj-Oesterieksen dirizjènt Michael Gielen, väöral bekèndj óm zien directies van Nuje Meziek, sjtörf op 91-jäörige laeftied.

6 miert

• Kuns en cultuur: De Amerikaanse conceptueel kunsteneres Carolee Schneemann sjtörf op 79-jäörige laeftied.

5 miert

• Kuns en cultuur: De Pritzkerpries weurt toegekèndj aan de Japansen arsjitek Arata Isozaki.

4 miert

• Kuns en cultuur: De Britse zenger en danser Keith Flint, bekèndj van The Prodigy, begeit op 49-jäörige laeftied zelfmaord.
• Kuns en cultuur: D'n Amerikaansen acteur Luke Perry, bèkendj van Beverly Hills 90210, sjtörf op 52-jäörige laeftied aan de gevolge van 'nen hartaanval.
• Afrika, Natuur en milieu: Cycloon Idai kump baove Mozambique aan landj. In de kómmende twie waeke zal de sjtörm in groete deile van Mozambique, Madagaskar en Malawi groete ravaasj aanrichte.

1 miert

• Nederlandj: 't Aopebaar Ministerie eis 'n laevelang gevangenissjtraof taege krimmeneel Willem Holleeder.

fibberwarie

28 fibberwarie

• Nederlands Limburg: Ralf Krewinkel sjtap óp es burgemeester va Heële noadat bekaand weëd dat heë vuur 't burgemeestersjap va Kirkroa hat gesolliciteëd.
• Kuns en cultuur: D'n Amerikaanse pianis, componis en dirizjènt André Previn sjtörf op 89-jäörige laeftied.

26 fibberwarie

• Oes-Europa: In Bres, Wit-Róslandj, weurt e massagraaf oete Twiede Waereldoorlog óntdèk, mit daorin de lichame van hónderde joede.

25 fibberwarie

• Kuns en cultuur: Bie de 91e Academy Awards (Oscars) wèntj Green book de pries veur 'bèste film', en Rami Malek en Olivia Colman de prieze veur 'bèsten acteur' en 'bèste actries'.

23 fibberwarie

• Nederlandj/natuur en milieu: 't Kenniscentrum Aanpak Funderingsproblematiek (KCAF) waarsjuwt det zeker 1 miljoon hoezer dreige te verzakke door d'n druge zomer van veurig jaor. 't Geit in de meiste gevalle óm hoezer in 't weste van 't landj, die op houtere päöl sjtaon.

21 fibberwarie

• Midde-Oeste: Kórtbie de Syrische sjtad Raqqa, 't veurmalige bolwirk van terreurorgenisasie IS, weurt e massagraaf mit 3.500 lichame gevónde.
• Nederlandj: Sipke Vrieswijk, eine vanne beruchste sekteleijers van Nederlandj, is euverleje.

20 fibberwarie

• Weitesjap/natuur en milieu: Britse weitesjappers zeen d'rachter gekómme det de zjwart-witte sjtrepe vanne zebra ó.a. besjirme taege paersjvlege en anger insekte.
• Weitesjap: Amerikaanse weitesjappers höbbe e klein mäönke óntdèk, det róndj de planeet Neptunus drèjt. 't Haet de naam Hippocamp gekrege.
• Nederlands Limburg: 't Aopebaar Ministerie haet 'n forse celstraof geëis veur de mishandeling van 'n neugejäörig jungske oet Venlo. 't Jungske waas volges de moder bezatte van 'nen dzjinn, 'nen duvelse geis oet 't Arabisch vouksgelouf.

19 fibberwarie

• Kuns en cultuur: D'n Duutsje, in Paries wirkende modeóntwerper Karl Lagerfeld sjtörf op 85-jäörige laeftied.

16 fibberwarie

• Kuns en cultuur: De Zwitsersen acteur Bruno Ganz sjtörf op 65-jäörige laeftied aan dermkanker.

15 fibberwarie

• Noord-Amerika: D'n Amerikaanse president Donald Trump reup de noedtoesjtand oet um zien moer op de grens mit Mexico te kónne realisere.

14 fibberwarie

• Kuns en cultuur: De Nederlandsen industrieel óntwerper Friso Kramer sjtörf op 96-jäörige laeftied.

13 fibberwarie

• Kuns en cultuur: Willy Willy, gitaris van de Belzje band The Scabs, sjtörf op 59-jäörige laeftied.

12 fibberwarie

• Zuud-Europa: In Sjpanje begintj 't perces taege de Catalaanse regioregering die in 2017 de ónaafhenkelikheid oetreep. De politici waere verdach van misbroek van euverheidsgeld en rebellie. In 't landj weurt gekald van 't 'perces van d'n iew'.
• Zuudoes-Europa: Macedonië verangert ziene naam officieel nao Rippubliek Noord-Macedonië. Hiemit weurt e lankjäörig dispuut mit Griekelandj opgelos.

7 fibberwarie

• Kuns en cultuur: De Britsen acteur Albert Finney sjtörf op 82-jäörige laeftied.

6 fibberwarie

• Weitesjap: D'n Duutsje biosjemicus Manfred Eigen, dae in 1967 de Nobelpries in de Sjemie won, sjtörf op 91-jäörige laeftied.
• Natuur en milieu: 't RIVM melt det de brölkwakker, dae zich veural in Limbörg es agressieven exoot hauw versjpreid, in Nederlandj is oetgereujd.

5 fibberwarie

• Belsj: Joke Schauvliege (CD&V) nump óntsjlaag es Minister van Laefmilieu nao 'n controversieel en ónwoer oetsjpraok euver de klimaatbrossers.

4 fibberwarie

• Kuns en cultuur: 'nen Bibliothecaris vanne Universiteit van Bristol óntdek zeve handjgesjreve middeliewse perkamente die vertèlle euver de mythologische avventure van touvenaer Merlien en keuning Tuur.
• Midde-Oeste: Paus Franciscus bezeuk de Vereinigde Arabische Emirate. Hae is daomit d'n ierste paus oets dae nao 't Arabisch Sjiereilandj geit.
• Sjport: De Finse sjanssjpringer Matti Nykänen sjtörf op 55-jäörige laeftied.

3 fibberwarie

• Sjport: De 53e editie van de Super Bowl weurt gewonne door de New England Patriots, die de Los Angeles Rams mit 13-3 versjlaon.
• Nederlands Limburg: In de Zuud-Willemsvaart in Wiert weurt 't lichaam van 'ne 22-jäörige manskael gevónde.

2 fibberwarie

• Kuns en cultuur, Noord-Afrika: In Minya, get ten zuje vanne Egyptische huidsjtad Caïro, óntdekke arsjeologe 'n tombe mit vieftig mummies.
• Politiek: Róslandj sjort 't INF-verdraag op, naodet de VS gister aankóndigde 'tzelfde te doon.

1 fibberwarie

• Kuns en cultuur: De Britsen acteur Clive Swift, veural bekèndj es Richard Bucket in Keeping up appearances, sjtörf op 82-jäörige laeftied.
• Sjport: Qatar wintj 't Aziatisch kampioensjap hierevoetbal door in de finaal mit 1-3 van Japan te winne.

jannewarie

31 jannewarie

• Kuns en cultuur: De Nederlandse popzenger Johnny Lion (John van Leeuwarden), veural bekèndj van zienen hit Sophietje, sjtörf op 77-jäörige laeftied aan de gevolge van Alzheimer en lóngkanker.

30 jannewarie

• Nederlands Limburg: 'ne twelfjäörige jóng oet Venlo wuurt veroordeild veur poging tot doeëdslaag.
• Kuns en cultuur: Veur 't iers in viefteen jaor treujt Loeki de Liew op in e reclameblok. Dit deeg de STER nao 'n petitie óm häöm trök nao de tv te haole.

29 jannewarie

• Belsj Limburg: In Eksel zeen drie doeje gevalle in e drugslab. De sjlachoffers zeen aafkómstig oet Eindhove en Valkeswaerd.

27 jannewarie

• Nederlands Limburg: De Limburgstalige zenger van 't vastelaovesleed Sjraar Peetjens oét Venlo störf op 96-jäörige laeftiéd.
• Zuudoes-Azië: Bie twie bómexplosies bie 'n kattelieke kerk in Jolo, in 't zude vanne Filipiene, kómme zeker 27 luuj óm 't laeve. Bienao tachetig luuj raakde gewóndj.

26 jannewarie

• Zuud-Amerika: Inne Braziliaanse sjtad Brumadinho (MG) brik 'nen dam bie 'n iezermien. Inne moddersjtroum kómme zestig luuj óm 't laeve. Ouch gief 't zo'n driehónderd vermisde.
• Kuns en cultuur: De Franse componis en pianis Michel Legrand sjtörf op 86-jäörige laeftied.
• Kuns en cultuur: De Nederlandsen tekssjriever en journalis Eli Asser sjtörf op 96-jäörige laeftied.

23 jannewarie

• Zuud-Amerika: In Venezuela reup parlemèntsveurzitter Juan Guaido zich oet tot 'veurluipige presidentj' van 't landj, temidde van proteste taegen 't bewèndj van Nicolas Maduro.

21 jannewarie

• Kuns en cultuur: De Fransen accordeonis Marcel Azzola, ónger mie bekèndj as begeleier van Jacques Brel en Édith Piaf, sjtörf op 91-jäörige laeftied.
• Sjport: D'n Argentiense voetballer Emiliano Sala sjtort bie Alderney mit 't vleegmesjien in zie en verdrink dènkelik.

18 jannewarie

• Latiens-Amerika: Inne Mexicaanse deilsjtaot Hidalgo explodeert 'n benzienleijing es gevólg van deefsjtal. Mie es neugetig luuj kómme hiebie óm 't laeve en bienao vieftig luuj ligke nog in 't krankehoes.
• Belsj: Filosoof Etienne Vermeersch sjtörf op 84-jäörige laeftied.

15 jannewarie

• Vereinig Keuninkriek, politiek: 't Door premier Theresa May veurgesjtèld Brexit-akkaord tösje 't Vereinig Keuninkriek en de Europese Unie weurt in 't Liegerhoes mit 202 taege 432 sjtumme verwórpe.
• Oes-Afrika: De Keniaanse huidsjtad Nairobi weurt opgesjrik door 'nen terroristische aansjlaag, dae Al Shabaab haet opgeëis.
• Kuns en cultuur: De Amerikaanse musicalactries Carol Channing sjtörf op 97-jäörige laeftied.

13 jannewarie

• Midde-Europa: Paweł Adamowicz, de börgemeister van de Poolse sjtad Danzig, weurt door 'ne 27-jäörige man denaergesjtaoke en sjtörf einen daag later aan zien verwónjinge.

11 jannewarie

• Belsj: Op de A25 (E25) kórtbie Waezet is 'nen aktivis van de gael zjilees doedgevare gewaore.

10 jannewarie

• Afrika: Félix Tsisekedi weurt oetgerope tot winner van de presidentsverkezinge in Congo-Kinshasa. Alóm weurt aan dezen ónverwachden oetsjlaag getwiefeld.

7 jannewarie

• Afrika: In Gabon deit 't laeger 'ne mislökde coup.
• Duutsjlandj, Oesteriek, Zjwitserlandj: Inne Pruse sjtad Breme weurt bondsdaaglid en AfD-veurzitter Frank Magnitz mishanjeld. Hae ligk mit zjwaor verwónjinge in 't krenkehoes.

6 jannewarie

• Zuudoes-Azië: Keuning Mohammed V van Maleisië kunjig zien aaftrejje aan. Keuninge van Maleisië zitte noets permanènt, meh 't is veur 't iers det 'ne keuning oet eige bewaeging opsjtap.

3 jannewarie

• Nederlands Limburg: In Venlo is Mieke Schreurs, de bedinkster van 't frietei, op 86-jäörige laeftied euverleje.
• Weitesjap: 't Chinees ruumdetuug Chang'e 4 lantj es ierste minsjelik tuug op d'n achterkantj van de Maon.

2 jannewarie

• Sjport: De Nederlandse sjaatsster Paulien van Deutekom sjtörf op 37-jäörige laeftied aan lóngkanker.
• Naord-Europa: Bie e treinóngelök in Denemarke zeen ach doeje gevalle. Zèsteen luuj rake gewóndj.
• Belsj Limburg: Aksieveurders, de zoegenaamde gael zjilees, blokkere mit vuurwirk en sjtökke hout de A25 (E25) op de grens bie Èèsjde.

1 jannewarie

• Belsj (Limburg): Op 't Belsj vèntj veur 't iers saer 1977 'n groetsjaolege gemeintelike herindeiling plaatsj. In Limburg versjiene de fusiegemeintes Audsberge (oet Miëve-Roj en Glabbek) en Pelt (oet Neerpelt en Pelt).
• Nederlandj/Nederlands Limburg: In Nederlandj zien groetsjeepse herindeilinge in diverse provincies. In Limburg óntsjteit de gemeinte Baekdale (oet Nut, De Óngerbenk en Sjènne).
• Zuud-Amerika: Jair Bolsonaro weurt beëidig es presidentj van Brazilië.
• Weitesjap: New Horizons vluug veurbie 't Kuiperreemobjek 2014 MU69.
• Duutsjland, Oesteriek en Zjwitserlandj: Oesteriek veurt 't homohoewelik in.
• Kuns en cultuur: De Nederlandse rapper Feis (echte naam Faisal Mssyeh) kump op 32-jäörige laeftied óm in 'n sjeetpartie.
• Nederlandj: Silvesteraovend verlöp mit väöl incidente. D'r valle ouch twie vuurwirkdoeje: eine in 't Friese Morra en eine in Enschede.
• Sjport: Michael van Gerwen wintj 't Waereldkampiónsjap Darte door in 't finaal te winne van Michael Smith.

2018

december

31 december

• Oes-Europa: Inne Róssische sjtad Magnitogorsk sjtort e flatgeboew deils in. Daobie kómme 38 luuj óm 't laeve.

30 december

• Afrika: In Congo-Kinshasa zeen presidentsverkezinge. D'n oetsjlaag is de daag dao-op óngerwerp van groete controverse.

28 december

• Kuns en cultuur: D'n Israëlische sjriever Amos Oz sjtörf op 79-jäörige laeftied.

26 december

• Kuns en cultuur: D'n Amerikaansen acteur Frank Adonis sjtörf op 83-jäörige laeftied.
• Weitesjap: D'n Amerikaanse natuurkundige Roy J. Glauber (Nobelpries in de Natuurkunde 2005) sjtörf op 93-jäörige laeftied.

22 december

• Zuudoes-Azië: 'nen Tsunami, veroerzaak door 'n oetbersting van de vulkaan de Krakatau, veroerzaak in Indonesië hóngerde doeje.
• Politiek: De Britse politicus en diplomaat Paddy Ashdown sjtörf op 77-jäörige laeftied aan blaoskanker.
• Weitesjap: De Belzje wiskónjige Jean Bourgain sjtörf op 64-jäörige laeftied.

21 december

• Duutsjlandj, economie: In Bottrop geit de Prosper-Haniel, de lètste koel van 't landj, toe.
• Oes-Europa: Door 'n explosie in 'n koel in 't oeste van Tsjechië zeen zeker daarteen kómpels óm 't laeve gekómme.

18 december

• Belsj: Naodet 't Charles Michel neet lök óm 'n gedoogcoalitie te vènje in 't parlemènt, deent hae zien óntsjlaag in bie de Keuning. Hiemit weurt de regering-Michel II nao teen daag demissionair. Vervreugde verkezinge waere neet gepland.

16 december

• Sjport: 't Belsj hierehockeyèlftal weurt veue 't iers in zien historie waereldkampión daor in de finaal de shoot-out van Nederlandj te winne.

15 december

• Belsj: Politicus Philippe Moureaux (PS) sjtörf op 79-jäörige laeftied.

14 december

• Nederlands Limburg: Bij 'ne brand in 'n appartemintecomplex in 't centrum vaan Mestreech is 'n vrouw um 't leve gekoume.

13 december

• Nederlands Limburg: Op de A73 ter huuegde van Berg weurt 'nen doeje man gevónje. Naeve de autobaan weurt ouch 'n zjwaorgewónje vroumes in häör auto aangetroffe.
• Belsj: Sjpikkelantj en politicus Jean-Pierre Van Rossem sjtörf op 73-jäörige laeftied.

12 december

• Nederlands Limburg: Bie 'n óngelök in De Grashook zeen twie luuj óm 't laeve gekómme.

11 december

• Frankriek: Inne Franse sjtad Sjtraasburg äöpent 'ne man 't vuur op bezeukers van 'ne krismert. Daobie zeen oetintelik vief doeje (de sjötter neet mitgetèld) en èlf gewónje gevalle.

10 december

• Afrika/Waereldwied: De regeringe van 164 lenj numme in Marrakech 't VN-Migratiepak aan.
• Zuud-Europa: In 'n discotheek inne ómgaeving vanne Itteljaense havesjtad Ancona, ane Adriatische Zie, kómme zès luuj óm 't laeve, naodet pennik oetbrik.

9 december

• Kuns en cultuur: De Nederlandse sjilder Aat Veldhoen sjtörf op 84-jäörige laeftied.

8 december

• Belsj: De N-VA verliet de regering-Michel I nao 'n waek van ónènsigheid euver 't VN-Migratiepak. De regering geit wiejer mit 'n mènjerheidscoalitie.

7 december

• Duutsjlandj: Annegret Kramp-Karrenbauer volg Angela Merkel op es partieleister van de CDU.

6 december

• Kuns en cultuur: Pete Shelley, fróntjman van punkband The Buzzcocks, sjtörf op 63-jäörige laeftied aan 'nen hertaanval.
• Kuns en cultuur: De Belsj-Limburgse actries Désirée Viola pleeg op 26-jäörige laeftied zelfmaord.

5 december

• Nederlandj, Wes-Europa, Zuud-Europa: In Nederlandj zeen vief verdachte opgepak tiedes 'n groete Europees gecoördineerde aksie taege de 'Ndrangheta, 'ne mechtige maffia-clan oet 't Zuud-Itteljaense Calabrië. Ouch in Tegele, Zitterd, Mechele, Gènk en Laoneke zeen invalle gewaes.

4 december

• Belsj: Premier Charles Michel besjlut óm 't VN-Migratiepak te teikene. Dit is taege de zin van de regeringspartie N-VA, die al haet gedreig de regering te doon valle.

1 december

• Nederlands Limburg: De buuttereedner Pierre Cnoops is gehiemeld op 80-jäörige laeftied.

november

30 november

• Vereinigde Sjtaote: George H.W. Bush, d'n 41e presidentj van de Vereinigde Sjtaote, sjtörf op 94-jäörige laeftied.

28 november

• Kuns en cultuur: De Nederlandsen acteur Manfred de Graaf sjtörf op 79-jäörige laeftied aan kanker.

26 november

• Kuns en cultuur: D'n Amerikaansen animator Stephen Hillenburg, bekind vanne kingerserie SpongeBob SquarePants, sjtörf op 57-jäörige laeftied aan ALS.
• Kuns en cultuur: D'n Italiaanse rezjisseur Bernardo Bertolucci sjtörf op 77-jäörige laeftied.
• Weitesjap: De Marslenjer InSight landj succesvol op de bojem van Mars. 't Tuug mót de kómmenden tied gróndjóngerzeuk op de planeet gaon doon.
• Weitesjap: De Chinese geneticus He Jiankui bewaert de ierste twie genetisch gemanipuleerde minsekènjer op de waereld te höbbe gezat. Zien bewaering is nog neet ónaafhenkelik bevestig.

25 november

• Oes-Europa: Ruslandj nump drie Oekraïense marinesjeper in besjlaag. 't Grensincidentj escaleert flót; de Oekraïne kunjig de sjtaot van belag aaf.

23 november

• Belsj Limburg: 'ne Verdachte veur vief versjillende brandjsjtichtinge in Alleke weurt gepak.

21 november

• Nederlandj: Inwoeners van 37 gemeintes keze in 't kader vanne fusering op 1 jannewari 2019 'ne nuje raod. Ein van die nuuj gemeintes is Baekdale, die zal óntsjtaon oete hujige gemeintes Nut, Óngerbenk en Sjènne. 't CDA is dao de groetste partie.

20 november

• Nederlands Limburg: De pelitie hilt 'n groete actie taege kempteelt in veural de Westelike Koel, meh ouch in d'n Oestelike Koel, Braobent, Geljerlandj en 't Belsj. Neugeteen woeninge en zeve sjoppe waere doorzoch.

18 november

• Weitesjap, Nederlands Limburg: In d'n insekteval in de ENCI-kojl bij Mestreech vint me daarteg veur Nederland oonbekinde soorte insekte, boevaan 'rs twie zelfs nog gaaroet neet bekind waore.

17 november

• Sjport: De paerdssjportorganisatie F.E.I. besjlut per direk te sjtoppe mit de Waereldrutersjpaele. Veur de editie van 2022 kós geine kandidaat waere gevónge.

16 november

• Weitesjap: De definitie van de kilogram versjuuf van 'n ijkgewich in Paries nao 'n waerde gebaseerd op de constante van Planck.

14 november

• Wikimedia: De Limburgse editie van Wikinuujs kump online.

12 november

• Kuns en cultuur: D'n Amerikaanse scenaris en sjtripoetgaever Stan Lee sjtörf op 95-jäörige laeftied.

10 november

• Belsj: In Zelzate (provincie Oes-Vlaandere) sjlete sp.a en PVDA e besjtuursakkaord. 't Weurt d'n ierste kier dat de extreemlinkse PVDA in 'n Belzje gemeinte geit mitbesjikke.

9 november

• Vereinigde Sjtaote: Bie bósbrenj in Californië kómme 74 luuj óm 't laeve, dewiel zeker doezend luuj es vermis gelle. 't Sjtedje Paradise weurt volledig verweus.

7 november

• Vereinigde Sjtaote: Bie 'n sjeetpartie in 'n nachclub inne Amerikaanse sjtad Thousand Oaks valle 12 doeje.

6 november

• Vereinigde Sjtaote: Bie tösjetiedse verkezinge veur 't Congres pakke de Democrate de mierderheid in 't Hoes vaan Aafgevaerdigde, dewiel in de Senaat de Rippeblikeinse Partie häör mierderheid zjus oetboewt.

4 november

• Oceanië: Nuuj-Caledonië verkeus in e rifferendum óm bie Frankriek te blieve. 57,29% van de kezers sjtump taege ónaafhenkelikheid, taegeneuver 42,71% veur. De opkóms waor bezunger hoeg.

2 november

• Kuns en cultuur: D'n Amerikaansen trómpöttis Roy Hargrove sjtörf op 49-jäörige laeftied.

Nuujsarchieve

Awwer versies van dit blaad

1 april 2005 - 30 mei 2005 - 1 augustus 2005 - 12 december 2005 - 2 februari 2006 - 11 april 2006 - 27 december 2006 - 24 juni 2007 - 19 april 2008

Thematische archieve

• Wikipedia
• Politiek
• Economie
• Kuns en cultuur
• Sjport
• Weitesjap
• Natuur en milieu

Geografische archieve

Belsj Limburg Nederlands Limburg Belsj en Luxemburg Nederlandj Duutsjlandj, Oesteriek en Zjwitserlandj Vereinig Keuninkriek en Ierlandj Frankriek Zuud-Europa Naord- Midde- en Oes-Europa

Europa algemein Midde-Oeste Centraal- en Zuud-Azië Oes- en Zuudoes-Azië Afrika Oceanië Naord-Amerika Midde-Amerika Zuud-Amerika